हेटौंडा-७ स्थित पशुपति मन्दिरमा क्यान्डिडको वृक्षारोपण

२४ असार, हेटौंडा। बढ्दो जलवायु परिवर्तनलाई मध्यनजर गरेर १ हजार विरुवा रोप्ने लक्ष्य लिएर आगाडि बढेको 'द क्यान्डिड स्टुडियो' ले सोमबार हेटौंडा ७ न्युरेनी चिसापानीमा रहेको पशुपति मन्दिरको वृक्षारोपण गरेको छ। मन्दिर परिसरमा सोमबार बिहान करिब १ सय ५० वटा विरुवा रोपिएको स्टुडियोका संचालक ओम प्रसाद फूयालले बताएका छन्। 

मन्दिर व्यवस्थापन समितिका अध्यक्ष कृष्ण प्रसाद घिमिरेको आतिथ्यतामा बेल,अमला, कागती, तेजपात, पारिजात, जामुन सहित १३ थरिका १ सय ५० वटा विरुवा रोपिएको स्टुडियोका सञ्चालक फुयालले जानकारी दिएका छन्।कार्यक्रममा स्टुडियोका कर्मचारी, फरेष्ट्रि क्याम्पसका विद्यार्थी, रोट¥याक्ट क्लब अफ मकवानपुर र स्थानीयहरु मिलेर वृक्षारोपण गरिएको थियो ।

स्टुडियोको अभियानलाई सफल पार्न मन्दिर परिसरमा गरिएको वृक्षारोपण कार्यक्रम प्रशंसा लायक भएको मन्दिर व्यवस्थापन समितिका अध्यक्ष घिमिरेले बताएका छन्। कार्यक्रममा न्यूरेनी चिसापानी सामुदायिक वन उपभोक्ता समितिका अध्यक्ष प्रकाश कार्की, संगालो टोल विकास संस्थाको अध्यक्ष रोम प्रसाद न्यौपाने, हेटौंडा ७ का पूर्व वडाध्यक्ष नवराज पौडेल, स्थानीय लगायतको उपस्थिति रहेको थियो ।स्टुडियोले सामाजिक कार्यमा समेत काम गर्दै आइरहेको छ।