जुत्तामा पालिस गरेर शुद्धीकरण अभियान

जुत्ता पालिस गर्दै काँग्रेसका युवा नेता चन्द्र भण्डारी

१६ माघ, हेटौँडा । जुत्ता पालिस गरेर शुद्धीकरण अभियान चलाउनु  भन्ने कुरा राजनितीमा नैलो मानिन्छ  । तर नेपाली राजनितीमा यो सैली नयाँ बनेको छ । शहीद दिवसकै दिन  मंगलबार नेपाली काँग्रेसका युवानेताहरुले नयाँ वानेश्वरबाट भ्रष्टाचार विरुद्धको शुद्धीकरण अभियान सुरु गरेका छन् । मंगलबार कृष्णप्रसाद भट्टराई स्मृति प्रतिष्ठानले संयोजन गरेको सो कार्यक्रममा  विहान १० बजेदेखि ११ बजेसम्म सांकेतिक रुपमा काठमाडौंको नयाँ वानेश्वरमा सर्वसाधारणहरुको जुत्तामा पालिस गरेर शुद्धीकरण अभियान चलाएका हुन् ।
     
काँग्रेसका युवा नेताहरु चन्द्र भण्डारी, धनराज गुरुङ सहित केही नेताहरुले सर्वसाधारणको जुत्ता पालिस गरेर शुद्धीकरण अभियान चलाएका हुन् । उनिहरुले जुत्ता पालिस  ३० हजार रुपैयाँ समेत आम्दानी  गरेका छन् । फोहोर जुत्ता पालिस गरेर सफा गरेझैं पार्टीहरुले पनि आफूलाई शुद्धीकरण गर्नुपर्छ भनेर प्रतीकात्मक रुपमा बुट पालिस गरिएको कांग्रेस नेता चन्द्र भण्डारीले बताए । त्यसैगरी नेता धनराज गुरुङले  भ्रष्टाचार विरोधी अभियानमा लागेका नेता किसुनजीको बाटोमा हिँडेको प्रतिक्रिया दिएका छन  । उनिहरुले दर्जनौ सर्वसाधारणले जुत्तामा पालिस गर्न लगाएका थिए ।