अबको सरकार वाम गठबन्धनको नेतृत्वमाः थापा 

 २० माघ, हेटौँडा । राप्रपाका केन्द्रिय अध्यक्ष तथा उपप्रधानमन्त्री कमल थापाले अबको सरकार  वाम गठबन्धनकै नेतृत्वमा  बन्नु पर्ने बताएका छन । प्रतिनिधि तथा प्रदेश सभाको चुनाव पछि शनिवार हेटौडामा राप्रपा मकवानपुरको आयोजनामा भएको अगुवा कार्यकर्ता भेलालाई सम्बोधन गर्दै थापाले यसो बताएका हुन ।  

मन्त्री थापाले अबको ५ वर्ष वामगठबन्धनकै नेतृत्वमा  स्थाई सरकार हुनुपर्ने कुरामा जोड दिए । उनले प्रतिनिधि तथा प्रदेश सभामा काग्रेसले गरेको सहयोग सम्मानयोग्य रहेको भन्दै  नेपाली काग्रेस र काग्रेस  कार्यकर्तालाई धन्यवाद दिए । थापाले चुनावमा हारे पनि आफु चिन्तित नभई पराजयलाई सकरात्मक रुपमा लिएको बताए  । थापाले मलाई अब भीड चाहिदैन इमान्दारिता, निष्ठा र सिद्धान्तमा लाग्ने कार्यकर्ताको मात्र साथ भए पुग्छ । ३ नम्बर प्रदेशको राजधानीको विषयमा बोल्दै थापाले ६ वटा प्रदेशको प्रस्ताव पास भएको तर ३ नम्बरको प्रस्ताव पास नभएको खण्डमा प्रधानमन्त्री शेरबहादुर देउवासंग छुट्टै भेट गरि अस्थायी भएता पनि राजधानी ल्याइएको बताए ।

पटक पटकको बैठकमा निर्णय गर्न नसक्दा धेरै लामो संर्घष पछि राजधानी ल्याउन सकेका हौं भन्दै आफ्नो गृह जिल्ला मात्र नभई  प्रदेशको राजधानी बनाउन हेटौडा उपयुक्त रहेको समेत बताए । थप प्रसंगमा थापाले हिजो भारतिय विदेशमन्त्री सुष्मा स्वराजको दिवा भोजमा नजानु कुनै राजनैतिक कारण स्वईच्छाले नगएको बताए । राप्रपा मकवानपुरका कार्यबहाक अध्यक्ष शिवराम थापाको सभाध्यक्षतामा भएको कार्यक्रर्ता भेलामा राप्रपा मकवानपुरका नेता तथा अगुवा कार्यकर्ताहरुको उपस्थिती रहेको थियो ।