हेटौँडामा शिक्षक बैंक र व्यवस्थापनमा “मोनोपोली", शिक्षक महासंघको ध्यानाकर्षणपत्र

२८ साउन, हेटौंडा। हेटौँडा उपमहानगरपालिका शिक्षा विकास महाशाखाले विज्ञ शिक्षकको सुचिकृत नगरेको शिक्षक बैंक र व्यवस्थापनमा सरोकारवाला निकायको सुझावलाई वेवास्ता गरि मोनोपोली (एकलौटी ) गरेको आरोपमा नेपाल शिक्षक महासंघ मकवानपुरले उपमहानगरपालिकाको कार्यालयमा ध्यानाकर्षणपत्र बुझाएको छ ।

नेपाल शिक्षक महासंघ मकवानपुरले २०८१ असार १ गते प्रकाशित राजपत्रमा शिक्षम बैंक र शिक्षक व्यवस्थापन कार्याविधि २०८१ मा व्यवस्था भए अनुसार हुनुपर्नेमा शिक्षम बैंक र व्यवस्थापनमा सो अनुसार नभएको भन्दै केही सुधारात्मक पक्षहरु सहित उपमहानगरपालिकाको कार्यालयमा ध्यानाकर्षणपत्र बुझाएको हो ।

नेपाल शिक्षक महासंघ हेटौँडा नगर समिति तथा अन्य पेशागत संस्थाका नगर तथा जिल्लाका नेतृत्व टोली उपमहानगर पुगेर नगर उप– प्रमुख राजेश बानियाँ , सामाजिक महाशाखा संयोजक रामकृष्ण कोइराला र हेटौंडा उपमहानगरका कार्यकारी प्रमुखलाई  कार्यविधीका ६ वटा सकारात्मक तथा १४ वडा सुधार गनुपर्ने पक्षहरु सहितको ध्यानाकर्षणपत्र बुझाइएको हो । 

ध्यानाकर्षणपत्र बुझाउदै हेटौडा उपमहानगरपालिका शिक्षा विकाश महाशाखाले शिक्षम बैंक र शिक्षक व्यवस्थापन कार्याविधि २०८१ मा व्यवस्था भए अनुसार नगरी मनोपोली गरेकोले सम्रग शिक्षकहरुका हकहितको लागि ध्यानाकर्षणपत्र बुझाउन बाध्य भएको धारणा सहभागी शिक्षक हरुको रहेको छ ।

यता ध्यानाकर्षणपत्र बुझदै नगर उप– प्रमुख राजेश बानियाँ र सामाजिक बिकास महाशाखा संयोजक रामकृष्ण कोइराला तथा कार्यकारी प्रमुखले  शिक्षम बैंक र शिक्षक व्यवस्थापन कार्याविधि २०८१ मा व्यवस्था भएअनुसार शिक्षम बैंक र सो को व्यवस्थापनमा केही त्रुटि हुन पुगेको  र सो समन्धमा सबै सरोकारवाला समक्ष छलफलका लागि बसि सो कार्यबिधी सच्याइने  प्रतिवद्धता आएको छ ।हेटौँडा उपमहानगरपालिकाको शिक्षा निर्देशकको रुपमा सिताराम कोइराला कार्यरत छन्। काठमाडौँ र भरतपुर महानगरपालिकामा रहदा समेत कोइराला विवादमा तानिएका थिए। उनलाई दुवै महानगरले स्पष्टीकरण सोधेको श्रोतले जनाएको छ। 

*यस्तो छ नेपाल शिक्षक महासंघ मकवानपुरले उपमहानगरलाई बुझाएको ध्यानाकर्षणपत्र*