बागमती प्रदेश प्रहरीको ५ तल्ले प्रशासनिक भवनको समुद्घाटन

३० साउन,हेटौँडा । बागमती प्रदेश प्रहरी कार्यालय हेटौँडाको सुविधासम्पन्न प्रशासनिक भवन समुद्घाटन गरिएको छ । बुधबार एक समारोहका बिच बागमती प्रदेशका मुख्यमन्त्री बहादुर सिंह लामा तामाङले भवनको समुद्घाटन गरेका हुन् ।

बागमती प्रदेश सरकार आन्तरिक मामिला तथा कानून मन्त्रालयको विनियोजित २० करोड ५१ लाखको बजेटबाट नवनिर्मित प्रशासनिक भवनको १ सय ३२ कोठा रहेका छन् । बागमती प्रदेश प्रहरी कार्यालय हेटौँडाको प्रशासनिक भवन समुद्घाटन कार्याक्रममा बोल्दै मुख्यमन्त्री तामाङले प्रहरी संगठनलाई सक्षम र सबल बनाउन आवश्यक रहेका भन्दै नवर्नििमत भवनबाट छिटो छरितो रुपमा सेवा प्रवाह हुनेमा विश्वास व्यक्त गरेका थिए ।  कार्यक्रममा माननीय आर्थिक मामिला तथा योजना मन्त्री कुन्दन राज काफ्ले, आन्तरिक मामिला तथा कानून मन्त्री सुरज चन्द्र लामिछाने, स्वास्थ्य मन्त्री किरण थापा मगर, माननीय खानेपानी, उर्जा तथा सिचाई मन्त्री श्याम बहादुर खड्का, माननीय युवा तथा खेलकुद मन्त्री मीनकृष्ण महर्जन, श्रम, रोजगार तथा यातायात मन्त्री प्रेमभक्त महर्जन, उद्योग, वाणिज्य, भूमि तथा प्रशासन मन्त्री सुकमाया तामाङ, संस्कृति पर्यटन तथा सहकारी मन्त्री बिमल ठकुरी, विना विभागीय मन्त्री मधु कुमार श्रेष्ठको उपस्थिति रहेको थियो ।