नगरस्तरीय शैक्षिक समन्वय हेटौंडाको हाजिरीजबाफमा ज्योति मावि प्रथम

८ भदौ, हेटौँडा। नगरस्तरीय शैक्षिक समन्वय समिति हेटाैंडाले माध्यामिक विद्यालय स्तरिय हाजिरीजबाफ प्रतियोगिता शुक्रबार सम्पन्न गरेको छ।  हेटाैंडा नगरक्षेत्रभित्रका २१ वटा माद्यमिक विद्यालयहरूले सहभागिता जनाएको प्रतियोगितामा हेटौंडा १८ मा रहेको ज्योति मा वि प्रथम, हेटौंडा १७ मा रहेको बालबोध मा वि दृतिय र हेटौँडा १६ हटियामा रहेको जनप्रिय मा वि तृतिय भएका छन्। प्रथम, द्वितीय र तृतीय हुने विद्यालयले क्रममा ७ हजार, ५ हजार र ३ हजार सहित प्रमाणपत्र प्राप्त गरेका छन्। 

नगर स्तरिय शैक्षिक समन्वय समितिका अध्यक्ष भाेगेन्द्र लुइँटेलकाे सभाध्यक्षता, हेटाैंडा उपमहानगरपालिकाका सामाजिक विकास संयाेजक रामकृष्ण काेइरालकाे प्रमुख अतिथ्यता तथा शिक्षा  विकास महाशाखाका प्रमुख सीताराम काेइराला र जनप्रिय मा.वि.का विद्यालय व्यवस्थापन समितिका अध्यक्ष माेहन बस्ताकाेटीकाे विशेष आतिथ्यमा प्रतियोगिता सम्पन्न भएको हो। कार्यक्रममा जनप्रिय माविका विद्यालय अभिभावक संघका अध्यक्ष  गिताप्रसाद दाहाल, हेटाैंडा उपमहानगरपािलका शिक्षा विकास महाशाखाका अधिकृत हरिश्चन्द्र सापकाेटा लगायतको उपस्थिति रहेको थियो। प्रतियोगिता छनाेट राउण्ड र प्रतिस्पर्धा राउण्ड गरी २ चरणमा खेलाइएको नगरस्तरीय शैक्षिक समन्वय समितिका अतिरिक्त क्रियाकलाप संयाेजक बालकुमार श्रेष्ठले बताएका छन्।