बिष्टको भुमीमा आउन पाउदा खुशि छुः राष्ट्रपति  भण्डारी   

जनकल्याण माध्यमिक विद्यालयको स्वर्ण महोत्सव उद्घाटन गदै राष्ट्रपति भण्डारी

२१ माघ, थाहानगर । राष्ट्रपति विद्यादेवी भण्डारीले रुपचन्द्र बिष्टको भुमीमा आउन पाउँदा आफुलाई खुशि लागेको बताएकी छिन । मकवानपुरको थाहानगर स्थित जनकल्याण माध्यमिक विद्यालयको स्वर्ण महोत्सव उद्घाटन गदै राष्ट्रपति  भण्डारीले यसो बताएकी हुन । उनले यस विद्यालयले धेरै बहुमुल्य रत्नहरुको जन्म दिएको बताउदै रुपचन्द्र बिष्ट जस्ता थुप्रै व्यक्तीत्व जनमाउन सकेको भन्दै शुभकामना व्यक्त गरेकि छिन   ।  उनले सबैले मिलेर यो ठाँउलाई उर्बर कृषि भुमि बनाउनु पर्नेमा जोड दिईन । 

यसै विच  जनकल्याण माध्यमिक विद्यालयमा वि.सं. २०५९ बाट एसएलसी उतीर्ण विद्यार्थीहरुको सयोगमा निर्माण गरिएकोे ‘स्वर्ण स्मारक स्तम्भ’ र विद्यालयमा रहेको कृषि प्रयोगशालाको पनि पनि राष्ट्रपति भण्डारीले अनावरण गरेकी छिन ।  कार्यक्रममा विद्यालयका संस्थापक अध्यक्ष स्वर्गिय झलकचन्द्र विष्टलाई मरणोपरान्त सम्मान तथा पूर्व प्रधानध्यापकहरु राष्ट्रपति भण्डारीले सम्मानित गरेकी थिईन ।  समारोहमा राष्ट्रपति भण्डारीलाई विद्यालयको तर्फबाट स्मृतिको चीनो प्रदान गरिएको थियो ।

स्वर्ण महोत्सव मूल आयोजक समितिका अध्यक्ष एवं विद्यालय व्यवस्थापन समितिका अध्यक्ष राजीव कुमार स्याङ्तानको सभाध्यक्षतामा भएका कार्यक्रममा    प्रतिनीधि सभा सांसद विरोध खतिवडा, प्रदेश सभा सांसद कुमारी मोक्तान, थाहानगर प्रमुख लवशेर विष्ट लगायतकाको  आतिथ्यता  रहेको थियो ।