रेडियो मकवानपुरद्वारा दुई जनालाई सामुदायिक सम्मान 

२३ माघ, हेटौँडा । दिव्यतारा बहुउद्देश्यीय सहकारी संस्था लिमिटेडद्वारा सञ्चालित रेडियो मकवानपुरले आप्mनो ८ औ बार्षिकोत्सवको सन्दर्भमा दुई जनालाई सामुदायिक सम्मान प्रदान गरेको छ । 
रेडियोले हरेक बर्ष प्रदान गर्दै आएको सामुदायिक सम्मान–२०७४ बाट शक्ति समूहका क्षेत्रीय संयोजक अस्मिता तामाङ र विगत १३ बर्षदेखि मकवानपुरको उत्कृष्ट विद्यालय हुँदै आएको आधुनिक माविका प्रधानाध्यापक ऋषिराम पोखरेललाई सम्मान गरेको हो । 
सम्मानित तामाङले सम्मानले थप जिम्मेवारी बढेको महसुस भएको बताइन् । यस्तै अर्का सम्मानित पोखरेलले काम गर्दै जाँदा सम्मान मिल्ने रहेछ भन्ने प्रमाणित भएको बताए । 
यसैविच रेडियोले रेडियोको बर्ष कर्मचारीको रुपमा रेडियो मकवानपुरका समाचार शाखा प्रमुख राजन दाहाल खुसराज नगद ५ हजार ५ सय ५५ सहित पुरस्कृत गरेको छ । उनीहरुलाई कार्यक्रमका प्रमुख अतिथि मन्त्री गौतम, सहकारीका अध्यक्ष महालक्ष्मी उपाध्याय डीना, रेडियो सञ्चालक समितिका अध्यक्ष आनन्दराम पराजुलीलगायतले सम्मान र पुरस्कार प्रदान गरेका हुन् । 
दिव्यतारा सहकारीले २० औं स्थापना दिवसको सन्दर्भमा ३१ जना अनाथ बालबालिकाको पालनपोषण गर्दै आएको हेटौंडा–५ स्थित ग्रामीण जीवनस्तर सुधार मञ्चद्वारा सञ्चालित हाम्रो घरलाई २० हजार रुपैँयाको चेक हस्तान्तरण गरिएको थियो ।
दिव्यतारा बहुउद्देश्यीय सहकारी संस्थाका अध्यक्ष महालक्ष्मी उपाध्याय डीनाले सहकारीको कार्यक्षेत्र बढाउने योजनामा रहेको जानकारी दिइन् । 
कार्यक्रममा नेपाली काँग्रेस मकवानपुरका कार्यबाहक सभापति बिष्णु लामिछाने, जिल्ला बहुउद्देश्यीय सहकारी संघका अध्यक्ष रामहरि न्यौपाने, रेडियो सञ्चालक समितिका अध्यक्ष आनन्दराम पराजुलीलगायतले मन्तव्य व्यक्त गरेका थिए ।