उपसभापति गुरुङ माथिको आरोपमा छानबिन हुन्छ:कांग्रेस महामन्त्री शर्मा

३० भदौं, हेटौंडा । नेपाली कांग्रेसका महामन्त्री विश्वप्रकाश शर्माले सहकारीबाट रकम अपलचनको आरोप लागेका कांग्रेस उपसभापति धनराज गुरुङमाथि  छानबिन हुनुपर्ने बताएका छन्।

आइतबार बागमती प्रदेशको राजधानी हेटौंडामा नेपाली कांग्रेस केन्द्रीय स्थानीय तह समन्वय विभाग द्वारा आयोजित अन्तर संवाद कार्यक्रमलाई सम्बोधन गर्दै उनले सहकारीबाट रकम अपलचनको आरोप लागेका कांग्रेस उपसभापति धनराज गुरुङमाथि  छानबिन हुनुपर्ने कुरा बताएका हुन्। 

अन्तर संवाद कार्यक्रमका प्रमुख अतिथि समेत रहेका महामन्त्री शर्माले  सार्वजनिक पदमा बसेका जो कोही व्यक्ति  भए यस्तो आरोप लागेपछि छानबिन हुने पर्ने भन्दै कसैलाई भाग्ने छुट नभएको बताएका छन्। 

'उपसभापति आफैले छानबिन होस् भन्नु भएको छ, हाम्रो चाहना छ, त्यही हो  गलत गरेको छ भने कसैले पनि उम्किन पाउनुहुँदैन'-शर्माले भने। 

उनले कार्यक्रम  स्थानीय तहबाट निर्वाचित कांग्रेसका जनप्रतिनिधिले जनताको भावना अनुसार काम गर्नु पर्ने र सोही मिसनमा लाग्ने आग्रह गरेका छन्।त्यसैगरी कार्यक्रममा कांग्रेसका बागमती प्रदेश सभापति इन्द्रबहादुर बानिंयाले  कांग्रेस सिद्धान्त र विचारमा चल्ने पार्टी भएको बताउदै पार्टीका नेता कुनै काण्डमा संलग्न भए निष्पक्ष ढङ्गले छानबिन गर्न काँग्रेस बाधक नहुने उद्घोष गरेका छन् ।  कार्यक्रममा वडा सदस्य, अध्यक्ष, स्थानीय तह प्रमुख उपप्रमुख, जिसस सदस्य, गाउँ नगर कार्य समिति सदस्य, उम्मेदवारहरुको उपस्थिति रहेको थियो ।