हेटौंडा रेन्जपोष्टको बैठकमा सम्मान

२५ माघ, चौघडा । हेटौडा रेन्जपोष्ट महासंघको घुम्ती बैठक विहिवार बसेको छ । हेटौडा–१५ मा रहेको शिखरपानी सामुदायिक वन उपभोक्ता समूहको सभाहलमा बैठक बसेको हो । 
बैठकलाई सम्वोधन गर्दै सामुदायिक वन  उपभोक्ता महासंघकी केन्द्रीय महासचिव भारती पाठकले अव सामुदायिक वन समूहहरुलाई संघीय संरचनामा लानु पर्ने बताईन । राज्यले सामुदायिक वन समूहहरुलाई उपेक्षा गरेको बताउदै बैज्ञानिक वन व्यवस्थापनले वनको विकास नहुने जिकिर गरिन् ।
हेटौडा रेन्जपोष्ट महासंघका अध्यक्ष लक्ष्मणप्रसाद भण्डारीको अध्यक्षतामा भएको बैठकमा स्थानीय निर्वाचनमा विजयी हुने ९ का वडा अध्यक्ष लक्ष्मणप्रसाद भण्डारी, १५ का वडा अध्यक्ष महारत्न लामा, रानी सामुदायिक वनका अध्यक्ष कृष्ण विडारी र न्यूरेनी चिसापानी सामुदायिक वनका अध्यक्ष ज्ञान बहादुर क्षेत्रीलाई सम्मान गरिएको थियो ।
बैठकमा हेटौडा उपमहानगरपालिकाकी कार्यपालिका सदस्य पालतीमाया गोम्वा, हेटौडा रेन्जपोष्ट महासंघकी महासचिव आरती पाठक, शिखरपानी सामुदायिक वनका अध्यक्ष चन्द्रबहादुर पाख्रिन लगायतकाले मन्तव्य व्यक्त गरको थिए । बैठकमा अघिल्लो बैठकको समीक्षा, बधाई तथा शुभकामना, समूह नवीकरण तथा आवद्धता लगायतका विषयहरुमा छलफल गरिएको थियो ।