कामधेनुद्वारा पत्रकार विडारीलाई सम्मान

Photo : Bhimsen Paudel

२७ माघ, चौघडा । हेटौडा–६ चुच्चेखोलामा रहेको कामधेनु बहूद्धेश्यीय सहकारी संस्थाको १९ औं वार्षिक साधारणसभा शनिवार सम्पन्न भएको छ ।
साधारणसभामा लेखा सुपरीवेक्षण समितिका संयोजक केदारप्रसाद गौतमले लेखापरीक्षण प्रतिवेदन, संस्थाका अध्यक्ष गौरवकुमार पराजुलीले संस्थागत प्रतिवेदन, ऋण उपसमितिका संयोजक उदयप्रकाश दहालले ऋण समितिको प्रतिवेदन, खुत्रुके बचत उपसमितिका संयोजक केशवप्रसाद अधिकारीले खुत्रुके बचत समितिको प्रतिवेदन र व्यवस्थापक भीमसेन पौडेलले चालु आव ०७४÷०७५ को लागि करीव १ करोड ५० लाखको अनुमानित आयव्यय विवरण प्रस्तुत गरेका थिए ।
भेलामा साझाकुरा राष्ट्रिय दैनिकका कार्यकारी सम्पादक सुवास विडारी, ज्येष्ठ सदस्य माधवप्रसाद पराजुली र दुर्गादेवी वाग्लेलाई सम्मान गरिएको थियो । यसैगरी बढी व्याज बुझाउने गायत्री राई, बढी सेवा शुल्क बुझाउने गीताकुमारी न्यौपाने, उत्कृष्ठ खुत्रुके बचतकर्तामा सुशान्त सुवेदी र ग्रिस्मा कट्टेल, उत्कृष्ठ विद्यार्थीमा प्रशान्त गौतम र सिम्रन मानन्धरलाई पुरस्कृत गरिएको थियो । हेटौडा–१७ चुच्चेखोलामा रहेको दिव्यज्योति आधारभूत विद्यालयलाई एक थान दराज उपलव्ध गराएको छ । जनकल्याण बचत तथा ऋण सहकारीका अध्यक्ष हिमाल पौडेलको प्रमुख आतिथ्यता एवम संस्थाका अध्यक्ष गौरवकुमार पराजुलीको अध्यक्षतामा साधारणसभा भएको हो ।
भेलामा हेटौडा–१७ का वडा सदस्य टिकाप्रसाद तिमल्सिना, संस्थाका संस्थापक अध्यक्ष बासुदेव सापकोटा, सल्लाहकार उदय विडारी, चुच्चेखोला सामुदायिक वनका अध्यक्ष अर्जुनप्रसाद दाहाल, नारीचेतना बचत तथा ऋण सहकारीकी अध्यक्ष ज्ञानु अर्याल, दिव्यज्योति आधारभूत विद्यालय व्यवस्थापन समिति अध्यक्ष रोशन घिमिरे, नौलो विहानी कृषि सहकारीका उपाध्यक्ष भरत सापकोटा, संस्था संचालक सदस्य मन्दिरा घिमिरे लगायतकाले मन्तव्य व्यक्त गरेका थिए । २०५५ सालमा स्थापना भएको यो सहकारी संस्थामा हाल ५ सय १४ जना शेयर सदस्य छन् ।