अंग्रेजी नयाँ बर्षको अवसरमा हेटौंडामा खाना महोत्सव

पुरानो तस्बिर

४ पुस, हेटौंडा । अंग्रेजी नयाँ वर्ष २०२५ को अवसरमा अवसरलाई हेटौंडामा सडक खाना महोत्सव गरिने भएको छ । मकवानपुर होटल एशोसिएसनले पुस १३ गतेदेखी १६ गतेसम्म एघारौं सडक खाना महोत्सव गर्न लागेको हो । 
एशोसियसनले बिहिबार पत्रकार सम्मेलन गरी हेटौंडाको हुप्रचौरको पूर्वतर्फको सडकमा महोत्सव गरिने जानकारी दिएको छ । पत्रकार सम्मेलनमा एशोसिएसनका निवर्तमान अध्यक्ष एंव महोत्सव संयोजक शंकरलाल श्रेष्ठले महोत्सवमा करिब ५० स्टल रहने र करिब ४० हजारले अवलोकन गर्ने जानकारी दिए ।
महोत्सवमा रैथाने बालीका परिकारका साथै केराका परिकार, नेवारी खाजाका परिकार, स्थानीय कलाकारको प्रस्तुती रहने एशोसिएसनका अध्यक्ष दिलिसगोविन्द जोशीले बताए । महोत्सवमा करिब ७० लाख रूपैयाँको कारोबार र साढे १४ लाख खर्च हुने आयोजकको अनुमान छ ।  
पत्रकार सम्मेलनमा एशोसिएसनका संस्थापक अध्यक्ष भागिरथ शर्मा, निर्वतमान अध्यक्ष शंकरलाल श्रेष्ठ, वडा नम्बर २ का वडाध्यक्ष एंव एशोसिएसनका वरिष्ठ उपाध्यक्ष विष्णुगोपाल महर्जन लगायतको उपस्थिति रहेको थियो । कार्यक्रममा पत्रकार महासंघ मकवानपुरका नवनिर्वाचित कार्यसमितिलाई स्वागत एवं सम्मान गरिएको थियो ।