श्रीमद् भागवत ज्ञान सञ्चार बृद्धाश्रमको अध्यक्षमा पुनः कटुवाल

६ पुस, हेटौंडा । हेटौंडा-१७ मा रहेको श्रीमद् भागवत ज्ञान सञ्चार बृद्धाश्रमको अध्यक्षमा लक्ष्मण कटुवाल चयन भएका छन् । संस्थाको १६ औं बार्षिक साधारणसभाले कटुवालको नेतृत्वमा नयाँ कार्यसमिति चयन गरेको हो ।
साधारणसभाले बरिष्ठ उपाध्यक्षमा उद्धव दाहाल, उपाध्यक्षमा चक्रधरी घिमिरे, सचिवमा नवराज न्यौपाने, कोषाध्यक्ष राघवराज न्यौपाने, सहसचिवमा रंगनाथ दाहाल र सदस्य राजकुमार विडारी, भागवत अगस्ती, गिता न्यौपाने, गणेश सुवेदी, दीपकबहादुर थापा, लक्ष्मण न्यौपाने, सीता पुडासैनी दाहाल, कृष्णप्रसाद तिमल्सिना, केशव धिताल र राधिका तिमल्सिना रहेका छन् । 
त्यस्तै, लेखा समिति संयोजक उदय विडारी, सदस्य सुन्दरराज अगस्ती, मन्दिर व्यवस्थापन संयोजकमा टिकाराम न्यौपाने, सदस्यमा विशु भट्ट, दिवा सेवा समिति संयोजकमा गुणराज न्यौपाने चयन भएको निर्वाचन समिति संयोजक केदार गौतमले जानकारी दिए ।
हेटौंडा उपमहानगरपालिकाका उपप्रमुख राजेश बानियाँको प्रमुख आतिथ्यता एवं संस्थाका अध्यक्ष लक्ष्मण कटुवालको सभाध्यक्षतामा भएको कार्यक्रममा अध्यक्ष कटुवालबाट संस्थागत प्रतिवेदन र लेखा समिति संयोजक टिकाराम न्यौपानेले लेखा परीक्षण प्रतिवेदन प्रस्तुत गरेका थिए ।
कार्यक्रममा नारायण स्वामी भट्टराईलाई आजीवन विशिष्ट सम्मान र प्रमुख अर्चक हरि सापकोटालाई सम्मान गरिएको थियो । कार्यक्रममा हेटौंडा-१७ का वडा अध्यक्ष उद्धव सत्याल, सल्लाहकार उदय विडारी, प्रमुख कथावाचक गोदादेवी आण्डाल लगायतको उपस्थिति रहेको थियो ।