झरनाबाट ५ जनालाई सम्मान गर्दै

३ फागुन, हेटौँडा । झरना साहित्यिक परिवारले २५ औँ वार्षिकोत्सवको अवसरमा ५ जनालाई सम्मान गर्ने भएको छ । फागुन ७ गते छतिवनमा आयोजना हुने बृहत् साहित्य गोष्ठीमा ५ जना साहित्यकारहरुलाई सम्मान गर्ने झरनाका सचिव चिरञ्जीवि लामिछानेले जानकारी दिए ।

साहित्य क्षेत्रमा पु¥याएको उल्लेखनीय योगदानबापत पाँचजना साहित्यकारहरूलाई सम्मान गर्न लागिएको हो । नेपाली गजलको क्षेत्रमा विशिष्ट योगदान पु¥याएको भन्दै नेपालका प्रथम विद्यावारिधि धारक तथा अग्रज साहित्यकार डा. घनश्याम न्यौपाने ‘परिश्रमी’ लाई नगद ११ हजार ५५५ रुपैयाँसहितको ‘होमनाथ–टीकामाया प्रतिभा सम्मान–२०७४’  प्रदान गर्न लागिएको छ । यो सम्मान साहित्यसेवी नुरप्रसाद गौतमले आफ्ना मातापिताको सम्मानमा स्थापना गरेका हुन् ।

यस्तै, जिल्लामा साहित्यिक संस्था स्थापना र जगेर्ना गर्न योगदान गरेबापत छतिवन निवासी जनार्दन खनाल र परशुराम गौतमलाई जनही ५ हजार ५५५ रुपैयाँ राशि सहितको ‘बाबुलाल–भोजमाया स्मृति साहित्य सम्मान–२०७४’ प्रदान गर्न लागिएको छ । यो सम्मान विनोद सुवेदीले आफ्ना मातापिताको नाममा स्थापित गरेका हुन् ।  साहित्यकार असिम सागरलाई अर्पण पराजुली र दर्पण पराजुलीले आफ्नो मातापिताको सम्मानमा स्थापना गरेको ५ हजार ५५५ रुपैयाँ राशिसहितको ‘खडानन्द–मनमाया प्रतिभा सम्मान–२०७४’ प्रदान गरिने भएको छ ।

मकवानपुरकी अग्रणी नारी साहित्यकार पूर्णकला घिमिरेलाई नगद ५ हजार ५५५ रुपैयाँ राशि सहितको सुशीला दंगाल स्मृति सिर्जनशील नारी सम्मान–२०७३ प्रदान प्रदान गरिने भएको छ । यो सम्मान साहित्यसेवी राजन दंगालले आफ्नी दिवंगत छोरीको स्मृतिमा स्थापना गरेका हुन् ।