म्यान मकवानपुर अध्यक्षमा न्यौपाने, उपाध्यक्षमा बानियाँ विजयी

मोबाइल एशोसिएसन अफ नेपाल (म्यान) मकवानपुर अध्यक्षमा हरिप्रसाद न्यौपाने (सागर) निर्वाचित भएका छन् ।

शनिबार सम्पन्न म्यान मकवानपुरको १४ औँ वार्षिक साधारणसभा तथा सातौँ अधिवेशनमा नयाँ कार्यसमितिका लागि अध्यक्ष र उपाध्यक्ष पदमा निर्वाचन भएकोमा  न्यौपानेलाई अध्यक्षमा निर्वाचित गरेको हो। शनिबार सम्पन्न मतदानमा न्यौपानेले ७५ मत प्राप्त गरी विजयी भएको थिए। उनका प्रतिस्पर्धी रोहिणीप्रसाद गौतमले ५७ मत प्राप्त गरेका थिए ।

एशोसिएसनको उपाध्यक्षमा अनिलदास बानियाँ ८२ मतका साथ विजयी हुँदा उनका प्रतिस्पर्धी शिवराज बास्तोलाले ४९ मत मात्र प्राप्त गरेका थिए। १ सय ३४ जना सदस्य रहेको एशोसिएसनमा १ सय ३२ मत खसेको थियो ।

एशोसिएसनको अन्य पदाधिकारी तथा सदस्य भने निर्विरोध चयन भएका छन् । एशोसिएसनको वरिष्ठ उपाध्यक्षमा राजकुमार दाहाल, महासचिवमा मिलन स्याङ्तान, सचिवमा सुमन रायमाझी, कोषाध्यक्ष प्रवेश चापागाईं सहकोषाध्यक्ष पुष्पराज गौतम निर्विरोध चयन भएका छन् ।

त्यस्तै सदस्यहरुमा एदिश रिजाल, जीवनाथ अधिकारी, पप्पुकुमार केशरी, सन्तोष दाहाल, अदाम हुसेन मसुरी र निरोज रिमाल रहेका छन् । १५ सदस्यीय कार्यसमितिमा बाँकी २ सदस्य अध्यक्षले मनोनयन गर्ने व्यवस्था रहेको छ ।