मुलुकलाई आर्थिक समृद्धितर्फ लैजानु जरुरी : सभामुख श्रेष्ठ

११ फागुन, हेटौँडा । प्रदेश नम्बर ३ का सभामुख सानुकुमार श्रेष्ठले नेपालमा राजनैतिक आन्दोलन सकिएकाले अब आर्थिक समृद्धितर्फ लैजान आवश्यक रहेको बताएका छन् । 
नेपाल अडिटर्स एशोसियसन केन्द्रिय कार्यसमितिको चौथो राष्ट्रिय परिषद्को उद्घाटन कार्यक्रमको प्रमुख अतिथीको रुपमा रहनुभएका सभापति श्रेष्ठले यस्तो बताएका हुन् । देश संघीय संरचनामा प्रवेश गरेसंगै प्रदेशमा आ–आफ्नो ऐन कानुन बन्ने भन्दै श्रेष्ठले सबैले आ–आफ्नो माग समयमा नै राख्न आवश्यक रहेको बताए । नेपाल अडिटर्स एशोसियसन केन्द्रिय अध्यक्ष मोहनराज रेग्मीको सभाध्यक्षतामा भएको कार्यक्रममा मकवानपुर उधोग बाणिज्य संघका अध्यक्ष कृष्ण कटुवाल, उद्योग संघ मकवानपुरका अध्यक्ष नवराज अर्याल, डिभिजन सहकारी कार्यालय मकवानपुरका प्रमुख तिलकराम पोखरेल, जितपुर सिमरा उपमहानगरपालिकाका प्रमुख कृष्ण पौडेल, एशोसियसनका संस्थापक अध्यक्ष कमल खरेल, एशोसियसनका जिल्ला अध्यक्ष प्रकाश ढकाल लगायतको उपस्थिति रहेको थियो । 
कार्यक्रममा अडान जर्नलको छैठौ अंक बिमोचन समेत गरिएको थियो । यसअघि भएको प्रभातफेरीले नेपाली सेनाको न्याउली बाजासंगै हेटौडा बजारको बुद्वचोक, सिमाचोक, स्कुलरोड हुदै पूनः कार्यक्रमस्थलमा पुगेको थियो । शुक्रबार शुरु भएको राष्ट्रिय परिषद् शनिबार हेटौँडा घोषणा पत्र जारी गर्दै सम्पन्न हुने चौथो राष्ट्रिय परिषद व्यवस्थापन मकवानपुरका संयोजक राजेन्द्र ढुंगानाले जानकारी दिए ।