हेटौंडामा मेयर लामाको 'एसी र इन्भटर' तोक आदेशले तातेको सामाजिक संजाल

४ बैशाख, हेटौंडा । बिहीबार बिहानदेखि हेटौंडा उपमहानगरपालिकालाई  एयर कन्डिसनर (एसी) र इन्भटर माग गरिएको र मेयर मेयर मिना कुमारी लामाको तोक आदेश भएको पत्रले यति बेला सामाजिक संजाल तातेको छ।

मेयर लामाले तोक आदेश गरी नगरपालिकाको ढड्डामा दर्ता भएको हेटौंडा–४ शितलमहल चोकस्थित एक शैलुनलाई एयर कण्डिसनर (एसी) र इन्भर्टरका लागि लगत अनुमान तयार गर्न भनि उल्लेख गरिएको तोकादेशसहितको उक्त पत्र भाइरल भएको हो। नगरपालिकाको ढड्डामा बैशाख ३ गतेको मितिमा १८३६३ मा दर्ता कायम भएको उक्त पत्रले यति बेला सामाजिक संजाल तताएको छ। 
त्यो पत्रमा उल्लेख गरिएको शैलुन त्यही हो जुन केही दिन अघि मेयर लामाले आफ्नो हातले उदघाटन गरेकि थिइन्।
उदघाटनका समयमा शैलुनलाई एसी र इन्भर्टर सहयोग गर्ने प्रतिबद्धता गरेकी उनले एकपटकमा तोक आदेश गरि उक्त सामग्री दिने प्रकृया अगाडि बढाएकि हुन्। सोहीअनुसार सुसन घलान संचालक रहेको ‘द नाइनटिन शैलुन’ले उपमहानगरपालिकालाई बैशाख ३ मा लिखित निवेदन गरेका थिए भने सोही दिननै तोक आदेश भएर प्रकृया अगाडि बढेको हो।  मेयर लामाको तोकादेशसहितको सो निवेदन आर्थिक प्रशासन महाशाखा प्रमुख भीमप्रसाद तिमल्सिनासमक्ष पेश गर्छन्।  
महाशाखा प्रमुख तिमल्सिनाले पनि तोकसहित उपमहानगरपालिकाका मर्मत संभार इकाइमा कार्यरत मेकानिक्स (सहायक चौथो) पुरुषोत्तम कुमार अधिकारीलाई आदेश गर्छन्। महाशाखा प्रमुख तिमल्सिनाले माग भएको सामग्रीको लागत अनुमान गरेर दिनु भनी बैशाख ३ गते नै आदेश गर्छन्। सो पछिका प्रक्रिया भने उपमहानगरपालिकाले अघि बढाउने गरी सहायक चौथो अधिकारीलाई पत्र पठाएको थियो।महाशाखा प्रमुख तिमिल्सिनाले माग भएको सामग्रीको लागत अनुमान गरेर दिनु भनी वैशाख ३ गते नै आदेश गर्छन्।सो पछिका प्रक्रिया भने उपमहानगरपालिकाले अघि बढाउने गरी सहायक चौथो अधिकारीलाई पत्र पठाएको थियो।

यस विषयमा बुझ्न उपमहानगरपालिकाको कार्यालय पुग्दा मेयर लामा र प्रमुख प्रशासकीय अधिकृत भरत गौतमसंगसँग भेट हुन सकेन्।यता उपमहानगरकाका प्रवक्ता सविन न्यौपानेले तोक मात्र लागेको हो माग भएको सामग्री दिइनसकेको बताएका छन्।न्यौपानेले युवाहरूको समूहले खेलको व्यवसायमा पढ्दै कमाउदै अभियानलाई सहयोग पुगेस भन्ने उद्देश्यले मेयर लामाले सहयोगको प्रतिवद्धता गरेको जिकिर गरे। उनले मेयरको व्यवसाय प्रवर्द्धनको लागि सहयोग गर्ने अधिकार रहेकाले यसो गरिएको हो, यो ठूलो इश्यू नभएकोले प्रचारवाजी गर्न आवश्यक नगरेको बताएका छन्। तोक आदेशको पत्र संचालक घलानले आफै टिकटक मार्फत सार्वजनिक गरेका थिए।