जिप्रका मकवानपुर भित्र निर्माण भएको महिला व्यारेकको उद्घाटन्

१० बैशाख, हेटौंडा। जिल्ला प्रहरी कार्यालय मकवानपुरको हाता भित्र महिला प्रहरीका निर्माण भएको आवासीय व्यारेकको उदघाटन् गरिएको छ ।  बागमती प्रदेश सरकार अन्तर्गत आन्तरिक मामिला तथा कानून मन्त्रालयको आर्थिक सहयोगमा

निर्माण भएको व्यारेकको बागमती प्रदेशका आन्तरिक मामिला तथा कानुन मन्त्री सुरजचन्द्र लामिछानेले एक समारोहका बीच उद्घाटन् गरेका हुन्।उदघाटन समारोहमा हेटौंडा उपमहानगरपालिकाकी प्रमुख मीना कुमारी लामा र प्रमुख जिल्ला अधिकारी स्किम श्रेष्ठले शुभकामना मन्तव्य व्यक्त गरेका थिए।

कार्यक्रममा हेटौडाका उपमेयर राजेश बानियाँ, बागमती प्रदेशका डिआइजी कृष्णा हरि शर्मा, मकवानपुरका प्रहरी प्रमुख एसपी विश्व खड्का लगायत स्थानीय संचारकर्मीहरुको उपस्थिति रहेको थियो। 

उदघाटन कार्यक्रममा व्यारेक भवन निर्माणमा योगदान पुर्‍याउने गौरीगणेश कन्स्ट्रक्सनका सञ्चालक पवन कुमार मिश्रलाई कार्यक्रममा प्रशंसा पत्र प्रदान गरिएको थियो भने प्रहरी वरिष्ठ हवल्दार ज्ञान बहादुर राई र हवल्दार असर्फिलाल साहलाई पनि प्रशंसा पत्रसहित नगद पुरस्कार प्रदान गरी सम्मान गरिएको थियो। ३ तल्ले आरसीसी फ्रेम संरचनामा निर्मित उक्त कुल लागत १  करोड ९१ लाख ९ हजार बयालीस रुपैयाँ रहेको छ।