चौघडा स्थित नवजीवन ज्याेति क्लबकाे साधारणसभा सम्पन्न

१३ बैशाख, हेटाैडा । हेटाैडा-६ चौघडामा रहेको नवजीवन ज्योति क्लबको साधारणसभा सम्पन्न भएको छ। वातावरण  संरक्षण  राष्ट्रिय  पुरस्कार - २०५८ बाट सम्मानित क्लबको १८ औ वार्षिक साधारणसभा शनिवार सम्पन्न  भएकाे हो ।
हेटाैडा - ६ का वडा अध्यक्ष  विष्णुबहादुर  दाहालकाे प्रमुख आतिथ्यता एवँ क्लबका अध्यक्ष  राजकुमार बास्ताेलाकाे सभाध्यक्षतामा साधारणसभा सम्पन्न भएकाे हाे। साधारणसभामा क्लब अध्यक्ष  बास्ताेलाले संस्थागत  प्रतिवेदन, सचिव  राजकुमार  फुयालले प्रगति प्रतिवेदन र काेषाध्यक्ष बुद्वरत्न मानन्धरले  आर्थिक प्रतिवेदन पेश गरेका थिए ।
साधारणसभामा क्लबका पूर्व अध्यक्ष  श्याम प्रसाद श्रेष्ठलाई  सम्मानित  गरिएकाे थियाे । श्रेष्ठले  हालै कठै नामक पुस्तक प्रकाशन गर्नु  भएकाे थियाे ।
साधारणसभामा हेटाैडा ६ का वडा सदस्य  विजय पाैडेल, क्लबका सल्लाहकार श्यामप्रसाद  श्रेष्ठ ,गणेशकुमार श्रेष्ठ , भूमि आयाेग मकवानपुरका  सदस्य  अर्जुनप्रसाद  चाैलागाई, रानी सामुदायिक वनका अध्यक्ष  केशव धिताल, चुच्चेखाेला सामुदायिक  वनका अध्यक्ष  लक्ष्मण कटुवाल , कामधेनु बहुउद्देश्यीय  सहकारीका अध्यक्ष  उदय बिडारी, चाैघडा सहकारीका उपाध्यक्ष  त्रिविक्रम मानन्धर ,जनकल्याण  सहकारीका उपाध्यक्ष  श्यामप्रसाद भट्टराई लगायतकाे आतिथ्यता रहेकाे थियाे ।