नाका र मंगलमको टोली हेटौंडामा

नेपाली चलचित्र मंगलमको टोली ।

१४ फागुन, हेटौँडा । नेपाली चलचित्र नाका र मंगलमले सोमबार हेटौडामा छुट्टछुट्टै पत्रकार सम्मेलनको आयोजना गर्दै चलचित्रको बारेमा जानकारी गराएको छ । 
आगामी फागुन १७ गते उपत्यका बाहिर र १८ गतेबाट उपत्यकाबाट प्रर्दशनमा आउने चलचित्र नाकाले खासा क्षेत्रको बिषयबस्तुलाई उठान गरेको निर्माता प्रबिण टकी कार्कीले बताए । उनले ८५ लाखको लागतमा नाका बनेको समेत बताए । पत्रकार सम्मेलनमा चलचित्रका कलाकार बिपिन कार्कीले आफुले अभिनय गरेका चलचित्रहरु भन्दा फरकधारमा नाका बनेको बताए । चलचित्रकी नायिका थिङ्ले लामोले दर्शकहरुले चलचित्र हेर्दा मनोरञ्जन प्राप्त हुने बताईन् । 
यस्तै, आगामी फागुन २५ गतेबाट देशब्यापी प्रर्दशनमा आउने चलचित्र मंगलमले पनि राम्रो चलचित्र बनेको बताएको छ । चलचित्र क्षेत्रमा अव्बल निर्माताको रुपमा परिचित निर्माता छबिराज ओझाले निर्माण गरेको मंगलमलाई १ करोड ५ लाख खर्च गरेको निर्माता ओझाले बताए । यस्तै चलचित्रकी निर्मात्री एवं नायिका शिल्पा पोखरेलले मंगलममा फरक धारको अभिनय रहेको बताईन् । 
चलचित्रका नायक पुष्प खड्काले मंगलम आफुले दर्शकहरुको राम्रै माया पाउने चलचित्रका रुपमा आशाबादी गरेको बताए । चलचित्रका निर्देशक नवल नेपालले मंगलम समाजकै बिषय बस्तुलाई टिपेर बनाएको बताएका थिए ।