पत्रकार घलानसहित ३ सम्मानित

२७ फागुन, हेटौँडा, । पदम मिलन उपभोक्ता समितिको ११ औँ साधारणसभा  हेटौँडा–१३ पदपमोखरीमा सम्पन्न भएको छ । साधारणसभामा एक पत्रकार सहित समितिका उत्कृष्ट ३ समूहलाई समेत सम्मान गरिएको छ ।
कार्यक्रममा तामाङ सञ्चार समूह मकवानपुरका अध्यक्ष तथा तु खबर डटकमका कार्यकारी सम्पादक चन्द्र घलानलाई पदमपोखरी क्षेत्रको समाचार सम्पे्रषणमा योगदान पुर्याएको भन्दै सम्मान गरिएको थियो । त्यस्तै समितिमा आवद्ध ४० समूह मध्ये उत्कृष्ट ३ समूहलाई सम्मान गरिएको छ । समितिमा रहि उत्कृष्ट कार्य गरिएको भन्दै डाँफे उपभोक्ता समूह, सृजनशिल उपभोक्ता समूह र परामर्श उपभोक्ता समितिलाई सम्मान गरिएको हो ।
कार्यक्रममा समितिका सहयोगी संस्था तथा १३ नम्बर वडाका जनप्रतिनिधिहरुमा वडा अध्यक्ष मनोजकुमार वाईबासहित सदस्यहरु रुपा खुलाल, विष्णु परियार, सन्तबहादुर तितुङ र दलबहादुर बललाई बधाई ज्ञापन समेत गरिएको समितिकी सचिव तथा कार्यक्रम सञ्चालिका तारादेवी मोक्तानले जानकारी दिईन् ।
कार्यक्रममा पदमपोखरीमा समेत पर्सा राष्ट्रिय निकुञ्जको पोष्ट राख्ने विषयमा छलफल समेत भएको थियो । उपभोक्ता समितिले यस विषयमा विभिन्न समूहहरुसँग छलफल गरेर मात्र पोष्ट राख्ने वा नराख्ने विषयमा निर्णय गर्ने निष्कर्श निकालेको छ ।
समितिका अध्यक्ष राजकुमार थिङको सभाध्यक्षतामा भएको कार्यक्रममा पर्सा राष्ट्रिय निकुञ्ज मध्यवर्ती व्यवस्थापनक समितिका अध्यक्ष पदमबहादुर तितुङको प्रमुख आतिथ्यता रहेको थियो । त्यस्तै प्रमुख संरक्षण अधिकृत हरिभक्त आचार्यको विशेष आतिथ्यता रहेको थियो । कार्यक्रममा वडा नम्बर १३ का वडाअध्यक्ष मनोजकुमार वाईबा, तराई भूपरिधि कार्यक्रमका सहजकर्ता सुरज थिङ, जेडएसएल नेपालका प्रकाश सिग्देल, राष्ट्रिय प्राकृतिक संरक्षण कोषका प्रमोद रेग्मी लगायतले मन्तव्य राखेका थिए ।