एनपीएलमा सुदूरपश्चिमबाट कर्णाली ४५ रनले पराजित

८ मंसिर, हेटौंडा । नेपाल प्रिमियर लिग (एनपीएल) सोमबार सुदूरपश्चिम रोयल्सबाट कर्णाली याक्स ४५ रनले पराजित भएको छ । 
किर्तिपुरस्थित त्रिवि अन्तर्राष्ट्रिय क्रिकेट रंगशालामा टस जितेर १४० रनको लक्ष्य पछ्याउँदै जवाफी ब्याटिङमा उत्रिएको कर्णालीलाई सुदूरपश्चिमले १९ ओभरको पहिलो बलमा सबै विकेट लिएर ९४ रनमा समेटेको हो ।
सुदूरपश्चिमका कप्तान दीपेन्द्रसिंह ऐरीले ओपनरद्वय प्रियांक पञ्चाल र मार्क वाटसहित चार विकेट लिए ।
प्रियांकले पाँच बलको सामना गर्दा रनको खाता खोल्न सकेनन् भने मार्क १० बलमा १७ रन जोडेर आउट भए । ऐरीले ब्याटर नजिबुल्लाह जद्रानलाई १ रनमा आउट गरे । विलियम बोसिस्टोलाई सुदूरपश्चिमका हेमन्त धामीले ३ रनमा जोडेको अवस्थामा आउट गरे । कर्णालीबाट सर्वाधिक २७ रन जोड्ने पवन सर्राफ सुदूरपश्चिमका अभिनास बोहोराको बलिङमा क्याच आउट भए । स्कट कुगेलेइजनले किफयाती बलिङ गरे । उनले ४ ओभर बलिङ गर्दा १ विकेट लिएर मात्रै ९ रन दिए । 
हर्मित सिंहले २ विकेट लिए । १ ओभर बलिङ गर्दा उनले ६ रन दिएर १ विकेट लिए । हेमन्त धामीले २ ओभर बलिङ गर्दा एक विकेट लिएर ११ रन खर्चिए ।
ब्याटिङतर्फ कर्णालीका ब्याटरहरुको प्रस्तुती सुखद रहेन । शुरुवातदेखि नै यो टिमले ब्याटिङमा लय समात्न सकेन । यो खेलमा कर्णाली मात्रै २ छक्का र ८ चौका प्रहार गर्‍यो ।
सबैभन्दा बढी २७ रन हान्ने कर्णालीका खेलाडी पवन सराफ हुन् । उनले २६ बलमा ४ चौका हान्दै २७ रन जोडे । मार्कले १७, कप्तान सोमपाल कामीले १४, गुल्सन झा र अर्जु घर्तीले समान १३-१३ रन जोडे ।
कर्णालीका ६ खेलाडीले दोहोरो रन बनायन सकेनन् । तीमध्ये ओपनर प्रियांक, युवाराज खत्री र विपीन शर्मा रनविहीन बने ।