एनपीएलमा जनकपुरविरुद्ध पोखराको जित

१२ मंसिर, हेटौंडा । नेपाल प्रिमियर लिग (एनपीएल) मा जनकपुर बोल्ट्सविरुद्ध पोखरा एभेन्जर्सले जित हात परेको छ ।
कीर्तिपुरस्थित त्रिवि अन्तर्राष्ट्रिय क्रिकेट मैदानमा टस जितेर पहिला ब्याटिङ रोजेको थियो । ब्याटिङमा सुमीत वर्मा चम्कँदा पोखराले जनकपुरलाई १६५ रनको बलियो लक्ष्य प्रस्तुत गरेको थियो ।
सुमीतले जनकपुरविरुद्ध अविजीत ५० रन, पोखराका दिनेश खरेलले ३८, एडम रोसिंगटनले २४, तिर्थराज दाशले २९ रन प्रहार गरे ।
ब्याटिङमा पोखराले ८ ओभरपछिको २ ओभरमा लय गुमाएको थियो । उक्त अवधिमा ३ विकेट गुमायो । १० ओभरपछिको खेलमा सुमीत र तिर्थले ब्याटिङ उकासेपछि पोखरा ६ विकेटका क्षतिमा १५५ रनको बलियो अवस्थामा पुगेको हो ।
जवाफी ब्याटिङमा उत्रिएको जनकपुरले ब्याटिङमा लय समात्न सकेन । पहिलो ओभरको तेस्रो बलमा ओपनर आशिफ शेख डक आउट भए । पहिलो ओभरकै पाँचौ बलमा शुभ कंशकार आउट भए ।
जनकपुरका वेन पर्नेले ५० रन जोडेर आउट भए  । सञ्जय कृष्णमूर्तिले २५ रन जोडे । ओपनर माज सदाकत १४ रन जोडे । ललित राजवंशीले १० रन जोडे । अन्यले दोहोरो रन बनाउन सकेनन् ।
बलिङमा पोखराका विपीन खत्री चम्किए । उनले आशिफ शेख, अनिश शाह, शुभ कंशाकरसहितका ब्याटरलाई आउट गर्दै चार विकेट लिए । सुमीतको बलिङ पनि आजको खेलमा चल्यो । उनले ओपनर माज सदाकत र सुरुवाती क्रममा ब्याटर जान निकोल लोफ्टी-इटनको विकेट लिए । कुशल भुर्तेल र जेम्स निशमले १/१ विकेट लिए ।
आकाश चन्द पोखराका खर्चिला बलर बने । उनले १ ओभर बलिङ गर्दा १२ रन खर्चिए ।