हेटौँडा बजारमा डोजर चल्दा,यस्तो छ बैकल्पिक मार्ग

राप्ती पुलबाट चौकिटोल तर्फको बैकल्पिक सडक

♦प्रष्ट खबर व्युरो 

१९ मंसिर,हेटौँडा । भोली मंसिर २० अर्थात शनिबारबाट हेटौँडा बजार बिस्तार कार्य सुरु हुदैछ । सडक डिभिजन कार्यालय हेटौँडाले पुर्व पश्चिम र त्रिभुवन राजपथ अन्र्तगत हेटौँडा १५ रातोमाटे देखि चौकिटोल सम्म सडकको दायाँ बायाँ २५ गज भित्र बनेका संरचना हटाउन दिएको समय शुक्रबार रातिबाट सक्किदैछ । सडक विस्तारका क्रममा प्रशासनले हेटौँडाको मेनरोडमा सवारी संचालनमा रोक लगाएको छ ।

सवारी संचालनमा प्रभावित नहोस भनेर बैकल्पिक मार्गबाट आवतजावतको व्यवस्था गरेको छ । जिल्ला प्रशासनले सडक डिभिजन कार्यालयको समन्वयमा वैकल्पिक मार्गका रूपमा बैकल्पिक सडक तयार पारिएको छ। रातोमाटे–बुद्धचोक–राप्ती पुल हुँदै सामरी पुलसम्म करीब ९ दशमलब ५ किलोमिटर दूरीमा पर्ने मुख्य सडक विस्तार तथा व्यवस्थापन कार्यसँगै बजार भीड घटाउन  बाइपास रोड तयार गरेको हो । पुर्व पश्चिम राजमार्ग अन्तर्गत पथलैया र चितवन तर्फबाट आएका मालबहाक र यात्रुबहाक सवारीलाई राप्ति पुलको दिक्षिण तर्फबाट त्रिवेणी,कुखरेनी हुदै रातोमाटे र त्रिभूवन राजपथ हुदै दामन,भिमफेदी र काठमाडौै हिडेका सवारीलाई राप्ती पुलबाट उत्तर तर्फ तरकारी बजार,चौकिटोल स्थित तिरतिरे धारामा निस्कने व्यवस्था गरिएको मकवानपुर ट्राफिक प्रहरी प्रमुख प्रहरी निरीक्षक बच्चुराम फुयालले जनाएका छन् । 
 
डिभिजनले अतिक्रमित संरचना हटाउने, सडक चौडाइ रेखांकन गर्ने, आवश्यक ग्राभेल–प्याकिङ, रोलिङ तथा ट्राफिक व्यवस्थापन मिलाउने जस्ता काम सम्पन्न गरिसकेको छ । सो क्षेत्रमा रहेका ५३१ संरचनामध्ये धेरैलाई सूचना दिएर हटाउने प्रक्रिया सुरु गरिने सो कार्यका लागि आवश्यक तयारी पुरा भइसकेको डिभिजन सडक प्रमुख गुरुप्रसाद अधिकारीले बताएका छन् । अधिकारीका अनुसार तय गरिएको मार्गले यातायत व्यवस्थापमा समस्या नहुने र  हेटौँडा बजार क्षेत्रभित्र चल्ने साना सवारी, अटो, मयुरी रिक्सालगायतका साधनलाई पनि बाइपासमार्गतर्फ मोडिने तयारी गरिएको छ, जसले बजारभित्रको भीडभार उल्लेख्य रूपमा घटाउने अपेक्षा गरिएको छ । यता सम्भावित घटनालाई लिएर शुक्रबार साझँबाट हेटौँडा बजार क्षेत्रमाठुलो संख्यामा सुरक्षाकर्मी परिचालन गरिएको छ । त्यसैगरी सर्वोच्च अदालतले पुर्व प्रतिनिधिसभा सदस्य विन्दबासिनी कंशाकरले  दायर गरेको रिटमा डिभिजन सडक कार्यालयलाई कारण देखाउ आदेश दिदै दुवै पक्षालाई पुस १ गते छलफलका लागि बोलाएको छ भने डिभिजन सडक कार्यालयले शुक्रबार अदालतबाट विस्तार कार्य रोक्न कुनै आधिकारीक पत्र नआएकोले सडक विस्तार कार्य नरोकिने विज्ञप्ती प्रकाशन गर्दै जनाएको छ ।