चौघडा सहकारीको साधारणसभा सम्पन्न

२० मंसिर, हेटौंडा । हेटौंडा-६ चौघडामा रहेको चौघडा बचत तथा ऋण सहकारी संस्था लिमिटेडको १७ औं बार्षिक साधारणसभा सम्पन्न भएको छ । संस्थाका अध्यक्ष विजयकुमार श्रेष्ठको सभाध्यक्षता एवं हेटौंडा-६ का वडा अध्यक्ष विष्णुबहादुर दाहालको प्रमुख आतिथ्यतामा कार्यक्रम भएको हो ।
कार्यक्रममा संस्थाका अध्यक्ष विजयकुमार श्रेष्ठबाट बार्षिक प्रतिवेदन, सचिव अर्जुनप्रसाद हुमागाईबाट संस्थागत प्रतिवेदन, कोषाध्यक्ष शुभद्रा कोइरालाबाट आर्थिक प्रतिवेदन, लेखा सुपरीवेक्षण समितिका सदस्य मनिष ढकालबाट लेखा प्रतिवेदन प्रस्तुत गरेका थिए ।
कार्यक्रममा संस्थाका सल्लाहकार श्यामप्रसाद श्रेष्ठ, उपाध्यक्ष त्रिविक्रम मानन्धर, शेयर सदस्य शरदकुमार श्रेष्ठ लगायतले मन्तव्य व्यक्त गरेका थिए ।
कार्यक्रममा संस्थापक शेयर सदस्य एवं पूर्व व्यवस्थापक जगदिशनाथ गंगोल, असल ऋणी धनबहादुर सार्की, सुशिलाकुमारी श्रेष्ठ, एसईईमा उत्कृष्ट अंक ल्याउने शिक्षा दुलाल, सुशान्त श्रेष्ठ, जोडि शेयर सदस्यहरू दामोदर पौडेल र दक्षु सुवेदी, सूर्य प्रसाद दुलाल र गोमादेवी दुलाल, केदार प्रसाद अधिकारी र लक्ष्मी अधिकारी, दुर्गा प्रसाद लामिछाने र दुर्गा लामिछाने, विष्णु प्रसाद हुमागाई र ललितादेवी पुडासैनीलाई सम्मान गरिएको थियो ।
कार्यक्रममा रानी वन अध्यक्ष केशव धिताल, टोल विकास संस्थाका अध्यक्षहरू महेन्द्र श्रेष्ठ, तारानाथ ढकाल, नानीमैया रूम्बा, हरेराम राई, जिवकुमारी पौडेल, शोभा घिमिरे लगायतको उपस्थिति रहेको थियो ।
संस्थामा २ हजार ८ सय २६ शेयर सदस्यहरू रहेका छन् ।