जनकल्याणमा हिमाल पौडेलको नेतृत्वमा सर्वसम्मत समिति चयन

२७ मंसिर,हेटौंडा। हेटौंडा ६ न्युरेनी चिसापानीमा रहेको जनकल्याण बचत तथा ऋण सहकारी संस्थाको अध्यक्षमा पुनः हिमाल पौडेल चयन भएका छन।संस्थाको शनिबार  सम्पन्न २९ औ वार्षिक साधारणसभाले पौडेललाई ४ बर्षका लागि पुनःअध्यक्षमा सर्वसम्मत चयन गरेको हो।

आज सम्पन्न भेलाले संस्थाको उपाध्यक्षमा श्याम प्रसाद भट्टराई ,सचिवमा रेखा मैनाली गिरी,कोषाध्यक्षमा देवराज गौतम चयन भएका छन । यसैगरी  सदस्यहरुमा यतिराज दंगाल,  लक्ष्मण सापकोटा , केशव प्रसाद चौलागाई,जिवकुमारी पौडेल र टुककुमारी चौलागाई सर्वसम्मत चयन भएका हुन।त्यसैगरी लेखा सुपरिवेक्षण  समितिको संयोजकमा प्रकाश  ढुङ्गाना र सदस्यहरुमा राजकुमार पौडेल र निर्मला  पौडेल चयन भएका छन ।
साधारणसभामा स्स्थाका अध्यक्ष  हिमाल पौडेलले संस्थागत प्रतिवेदन उपाध्यक्ष  श्याम प्रसाद भट्टराईले  ऋण  उपसमितिको प्रतिवेदन, सचिव रोम बहादुर न्यौपानेले शिक्षा  उपसमितिको प्रतिवेदन, लेखा संयोजक दिपनराज आचार्यले  लेखा समितिको प्रतिवेदन र सञ्चालक सदस्य  रेखा मैनालीले महिला उपसमितिको प्रतिवेदन पेश गरेका थिए । नयाँ  सञ्चालक तथा लेखा समितिको निर्वाचन  गराउन संस्थाका कानूनी सल्लाहकार  मुकुन्द  प्रसाद अधिकारी  संयोजक  बद्री प्रसाद भण्डारी  र रुपेश दुलाल सदस्य रहेको ३ सदस्यीय निर्वाचन  समित गठन गरिएको  थियो ।
संस्थाका ज्येष्ठ  शेयर सदस्य  द्वारिकानाथ लामिछानेको प्रमुख आतिथ्यता एवम संस्था  अध्यक्ष  हिमाल पौडेलको सभाध्यक्षतामा साधारणसभा भएको थियोे  ।
साधारणसभामा ज्येष्ठ सदस्य जनुदेवी अर्याल र द्वारिकानाथ लामिछाने, असली बचतकर्ता निर्मला न्यौपाने र राजन पौडेल असली ऋणी विन्दा बानियाँ, विजयकुमार  हुमागाई, उधमी तर्फ पुष्पराज अधिकारी , समाजसेवी राजु गुरुङ र सञ्चारकर्मी  अनिल पराजुलि जोडी दम्पती, बाल बचतकर्ता, लघुवित समूह, एसईई मा उत्कृष्ट  अंक हासिल गर्ने विधार्थीहरुलाई समेत पुरस्कृत गरिएको  थियो ।
साधारणसभामा संस्थापक अध्यक्ष  बासुदेव अधिकारी, निवर्तमान  अध्यक्ष  रघु प्रसाद आचार्य, सल्लाहकार  बद्री बहादुर पाठक, प्रल्हाद शर्मा आचार्य, गणेशकुमार श्रेष्ठ ,शेयर सदस्य  पूर्णभद्र चौलागाई,उर्मिला आचार्य लगायतको उपस्थिति  रहेको थियो । २ हजार ४९८ शेयर सदस्य  संस्थामा आवद्व रहेका छन ।संस्थाको आव ०८१/०८२ सम्म शेयर पूंजी २ करोड ७१ लाख  ३२ हजार  निक्षेप  २७  करोड ४  लाख र २० करोड ९७ लाख लगानी रहेको संस्थाले जनाएको  छ ।