हेटौँडामा घर भत्काउने क्रममा ३ मजदुर घाइते

file photo

२८ मंसिर,हेटौंडा । डिभिजन सडक कार्यालय हेटौँडाले मंसिर २० भत्काएर छोडेको घर भत्काउने क्रममा गत साता २ मजदुर घाइते भएको हेटौंडामा आइतबार पुनः जिर्ण घर भत्काउने क्रममा ३ मजदुर घाइते भएका छन् । गत हप्ता दुई जना मजदुर भत्केको घर सफा गर्ने क्रममा घरको बिम खसेर घाइते भएका थिए । यसै क्रममा आइताबर पनि  हेटौंडा उपमहानगरपालिका–१ पिपलबोटस्थित उद्योग वाणिज्य संघ अगाडि रहेको एक निजी घर भत्काउने क्रममा तीन जना मजदुर घाइते भएका हुन्। स्थानिय बिकी जैसवालको घर  डिभिजन सडक हेटौंडाले  सडकको २५ मिटर गज भित्र परेको भन्दै मंसिर २० गते डोजर चलाएको  थियो । डोजरले अगाडि भाग मात्र भत्काएको र बाकी भाग कामदार लगाई भत्काउने क्रममा आइतबार दिउँसो अचानक संरचना भासिँदा मजदुरहरू घाइते भएका हुन्।

जिर्ण घर भत्किदा मकवानपुरगढी गाउँपालिका–१ रानिसेराका २२ वर्षीय सन्तोष भ्लोन, उदयपुर गाईघाट नगरपालिका–९ का २६ वर्षीय दिनेश चौधरी र उदयपुर बेलका नगरपालिका–१ पुरन्दाका ३० वर्षीय अरुण चौधरी घाइते भएको मकवानपुर प्रहरीले जनाएको छ । सन्तोष र दिनेशको मकवानपुर सहकारी अस्पतालमा तथा अरुणको हेटौंडा अस्पतालमा उपचार भइरहेको छ। घाइते भएकाको  स्थानीयवासी र  प्रहरीको सहयोगमा उपचारको लागि  उद्धार गरी हेटौंडा अस्पताल पुर्‍याएका थिए ।
थ्यग कभलत