राजदेवीको साधारण सभामा सम्मान

३१ भदौ, हेटौँडा । हेटौँडा–२० मा रहेको राजदेवी बचत तथा ऋण सहकारी संस्था लिमिटेडको ११ औं बार्षिक साधारण सभा शुक्रबार सम्पन्न भएको छ ।

साधारण सभामा अध्यक्ष मधुसुदन न्यौपानेले संस्थागत प्रतिवेदन, लेखा समिति संयोजक रमेशकुमार पराजुलीले लेखा परीक्षण प्रतिवेदन, कोषाध्यक्ष कृष्णप्रसाद पराजुलीले आर्थिक प्रतिवेदन र ऋण उपसमितिका संयोजक रामप्रसाद भट्टले ऋण समितिको प्रतिवेदन प्रस्तुत गरेका थिए । मकवानपुर जिल्ला सहकारी संघका अध्यक्ष बद्रीप्रसाद लम्सालको प्रमुख आतिथ्यतामा भएको कार्यक्रममा ज्येष्ठ शेयर सदस्य कृष्णप्रसाद नेपाल, असल कारोबारी कुमारमणी दाहाल, राधिका सुवेदी, नियमित बचतकर्ता अशोककुमार भुजेल, बाल बचतकर्ता प्रश्ना तामाङलाई सम्मान गरिएको थियो ।

संस्थाका सल्लाहकार दिव्यराज धमलाले आफ्नो स्वर्गिय माता नरमायाको स्मृतिमा स्थापना गरेको अक्षयकोषबाट राजदेवी माविका कक्षा ४ का विद्यार्थी ताराबहादुर मानन्धरलाई छात्रबृत्ति रकम वितरण गरिएको थियो । कार्यक्रममा जिल्ला बचत तथा ऋण सहकारी संघकी सचिव कल्पना श्रेष्ठ, अशोक सामुदायिक वनका अध्यक्ष बलराम अधिकारी, अशोक बाटिका बचत तथा ऋण सहकारीकी उपाध्यक्ष मिना घिमिरे संस्थाका सल्लाहकार दिव्यराज धमला, कुमारमणी दाहाल, सानुकाजी पाण्डे, सचिव श्यामलाल श्रेष्ठ, समाजसेवी उद्धवप्रसाद दाहाल, संचारकर्मी भीमसेन पौडेल लगायतले मन्तव्य व्यक्त गरेका थिए ।