क्यान मकवानपुरको आयोजनामा साईबर सुरक्षा तथा सचेतना कार्यक्रम

२५ पुस,हेटौँडा । कम्प्युटर एसोसिएसन नेपाल (क्यान),शाखा कार्यालय मकवानपुरको आयोजना, कमाने एकेडेमीको सहकार्य तथा जिल्ला प्रहरी कार्यालय मकवानपुरको समन्वयमा साईबर सुरक्षा तथा सचेतना सम्बन्धी कार्यक्रमको आयोजना गरिएको छ । 
क्यान मकवानपुरको आयोजनामा शुक्रबार उक्त कार्यक्रमको आयोजना गरिएको हो । कार्यक्रममा जिल्ला प्रहरी कार्यालयकी प्रहरी सहायक निरीक्षक संगिता लामा साईबर सुरक्षाबारे सहभागि विद्यार्थीलाई सहजिकरण गरेकी थिइन् । कार्यक्रममा हेटौँडा ८ कमानेमा रहेको कमाने एकेडेमीका करिब १०० जना विद्यार्थीको सहभागिता रहेको थियो ।  

क्यान मकवानपुरका अध्यक्ष श्रीराज खतिवडाको अध्यक्षतामा भएको कार्यक्रममा क्यान महासंघका केन्द्रिय सदस्य श्यामकल श्रेष्ठको प्रमुख अतिथ्ता रहेको थियो । कार्यक्रममा कमाने एकेडेमीका प्रअ प्रतिभा डंगोल,क्यान मकवानपुरका पुर्ब अध्यक्ष शिब कुमार श्रेष्ठ ,सन्तोष पाण्डे लगायतको उपस्थिती रहेको थियो । हालको डिजिटल युगमा ईन्टरनेट र सामाजिक सन्जालको प्रयोगसंगै देखिएको समस्याहरुको बारेमा जानकारी होस भन्ने अभिप्रायले कार्यक्रमको आयोजना गरिएको क्यान मकवानपुरका सचिव उमेश थापा मगरले बताएका छन् । क्यान मकवानपुरले वार्षिक कार्यक्रम अनुसार जिल्लाका बिभिन्न विद्यालयमा पुग्ने यस्ता कार्यक्रम गर्ने लक्ष्य रहेको जनाइएको छ ।