सिद्वार्थ माविको हाजिरीजवाफमा तुलसीमेहर प्रथम

७ माघ,हेटौंडा । हेटौँडा–२ मा रहेको  सिद्धार्थ माध्यमिक विद्यालयको स्वर्ण महोत्सवको अवसरमा मंगलबार आयोजित नगरस्तरीय अन्तरविद्यालय हाजिरीजवाफ प्रतियोगितामा तुलसीमेहर मेमोरियल माध्यमिक विद्यालय प्रथम स्थान हासिल  गरेको छ । 
विद्यालयको बाल समूहको आयोजना तथा हेटौंडा वडा नम्बर २ को सहकार्य र व्यवस्थापनमा भएको प्रतियोगितामा हेटौँडा–४ स्थित ब्रह्मदिक् एकेडेमी द्वितीय,हेटौँडा–५ स्थित ज्ञानदीप शिक्षा (जिएस) निकेतन माध्यमिक विद्यालय तृतीय र हेटौँडा–९ स्थित प्रगति माध्यमिक विद्यालय सान्त्वना स्थान हासिल गरेका छन् । 
प्रथम,द्वितीय ,तृतीय र सान्त्वना स्थान हासिल गर्न सफल भएका विद्यालयले क्रमश नगद ५० ,२५ ,१५ र ५ हजार नगद रुपैयाँसहित शिल्ड र प्रमाणपत्र प्राप्त गरेका छन् । प्रतियोगितामा हेटौंडामा रहेका संस्थागत र सामुदायिक विद्यालयहरुमा ३६ वटा विद्यालयको सहभागिता रहेको कार्यक्रम संयोजक बाल कुमार श्रेष्ठले बताएका छन् । प्रतियोगिताको पहिलो चरणबाट उत्कृष्ट १४ जना छनोट गरिएको थियो । दोस्रो चरणमा उत्कृष्ट ८ वटा विद्यालय छनोट गरी अन्तिमा राउन्डमा  ४  विद्यालय विजेता बनेको हुन। विजेताहरुलाई बिहीबार स्वर्ण महोत्सवको समापन समारोहमा पुरस्कार वितरण गरिने विद्यालयका अतिरिक्त क्रियाकलाप संयोजक टिका प्रसाद दाहालले बताएका छन् ।