नगरस्तरीय शैक्षिक समन्वय हेटौंडाको भलिबलको उपाधि आधुनिकलाई

१८ माघ,हेटौंडा । नगर स्तरीय शैक्षिक समन्वय समिति हेटौंडाको व्यवस्थापन तथा हेटौंडा १८ नम्बर वडा कार्यालयको आयोजनामा भएको दोस्रो नगरस्तरीय महिला शिक्षक मैत्रीपूर्ण भलिबलको उपाधि आधुनिक राष्ट्रिय माध्यमिक विद्यालयले हार पारेको छ ।

शनिबार हेटौँडा–१८ स्थित ज्योति माध्यमिक विद्यालयको खेलमैदानमा सम्पन्न फाइनल खेलमा आधुनिकले हर्नामाडीस्थित ज्योति माविलाई सोझो सेटले हराउँदै उपाधि रक्षा गरेको हो । त्यसैगरी प्रतियोगितामा हेटौँडा–५, पिप्लेस्थित बालज्योति मावि तृतीय भएको छ । बालज्योतिले हेटौँडा–१४ स्थित भृकुटि माविलाई २–१ को सेटले पारजित गरेको कार्यक्रम संयोजक बालकुमार श्रेष्ठले जानकारी दिएको छन् ।

प्रतियोगितामा २ वटा आधारभूत विद्यालय र १८ वटा माध्यमिक विद्यालय गरी २० वटा सामुदायिक विद्यालयहरुको सहभागिता रहेको थियो। प्रतियोगितामा प्रथम, द्वितीय, तृतीय र चौथो हुने विद्यालयहरुले क्रमशः २० हजार, १५ हजार, १० हजार र ५ हजार रुपैयाँ नगदसहित शिल्ड, मेडल र प्रमाणपत्र प्राप्त गरेका छन् ।

प्रतियोगिताको समापन तथा पुरस्कार वितरण कार्यक्रम नगरस्तरीय शैक्षिक समन्वय समिति हेटौँडाका अध्यक्ष भोगेन्द्र लुईटेलको सभाध्यक्षता तथा वडाध्यक्ष अनिल बानियाँको प्रमुख आतिथ्यता रहेको थियो ।