चुच्चेखोलामा विषादी प्रयोगका असरबारे तालिम

८ चैत, हेटौँडा । हेटौडा–६ चुच्चेखोलामा रहेको प्रगतिशिल महिला आपसी विकास संस्थाको आयोजना र टेवा नेपाल काठमाण्डौको सहयोगमा विहिबारदेखि ३ दिने विषादी प्रयोगले वातावरण र मानव पर्ने असर तथा  लैगिक हिंसा साथै स्त्री रोग सम्वन्धि सचेतनामुलक तालिम शुरु भएको छ । 
तालिममा विषादीको प्रयोगबाट हुने हानी, बच्न अपनाउनु पर्ने विधि र महिलाहरुमा लाग्ने विभिन्न प्रकारका रोगहरुबाट बच्ने तरीकाको विषयमा जानकारी गराउन तालिमको आयोजना गरिएको संस्थाकी व्यवस्थापक कल्पना पराजुलीले बताईन् । हेटौडा उपमहानगरपालिकाकी उपमेयर मीना लामाको प्रमुख आतिथ्यता एवम संस्थाकी अध्यक्ष प्रमिला सिग्देलको अध्यक्षतामा तालिमको उदघाटन भएको थियो । 
तालिममा कामधेनु बहुउद्धेश्यीय सहकारी संस्थाका अध्यक्ष गौरबकुमार पराजुली, दिव्यज्योति आधारभूत विद्यालय व्यवस्थापन समिति अध्यक्ष रोशन घिमिरे, चुच्चेखोला सामुदायिक वन उपभोक्ता समूहकी सचिव सरिता गौतम, संस्थाकी सचिव मन्दिरा घिमिरे, चुच्चेखोला सामुदायिक वन उपभोक्ता बचत तथा ऋण सहकारीका सदस्य भीमप्रसाद वाग्ले, सल्लाहकार प्रमेश पराजुली, संचारकर्मी भीमसेन पौडेल लगायतले मन्तव्य व्यक्त गरेका थिए ।
चैत १० गते सम्म हुने तालिममा दीपक मिश्र र सुजन कडेलले सहजीकरण गरिरहेका छन् ।तालिममा विभिन्न संस्थामा आवद्ध करीव ४० जना महिलाहरुको सहभागिता रहेको छ ।