तरुण दल हटौंडा-६ को दौड प्रतियोगितामा गोले प्रथम

१ वैशाख, हेटौंडा । नयाँ वर्षको अवसरमा प्रत्येक वर्ष नेपाल तरुण दल हेटौडा-६ को  आयोजनामा हुँदै आएको शुभकामना दौड प्रतियोगिता यस वर्ष पनि आयोजना भएको छ ।
मंगलबार सम्पन्न ५ किलोमिटर  शुभकामना खुल्ला दौड मा  बकैयाका राजकुमार गोले पहिलो भएका छन् । प्रतियोगितामा बकैयाकै अनिष थिङ दोश्रो र राक्सिराङका सुभाष हेमजंग तेस्रो भएका छन् । 

नेपाली कांग्रेस मकवानपुरका सभापति बुद्व लामाको प्रमुख आतिथ्यता एवम नेपाल तरुण दल जिल्ला सदस्य राजकुमार बास्तोलाको सभापतित्वमा सम्पन्न प्रतियोगितामा पहिलो स्थान हासिल गर्नेले नगद १५ हजार मेडल र प्रमाणपत्र दोस्रोले नगद १० हजार मेडल र प्रमाणपत्र तेस्रोले नगद ५ हजार मेडल र प्रमाणपत्र प्राप्त गरेका छन् । त्यसैगरी महिलातर्फ हेटौडा १३ की साधना लोप्चन पहिलो, हेटौंडा १३ कै गंगा मोक्तान दोस्रो र  हेटौडा-३ की स्वस्तिका थिङ तेस्रो बनिन् ।  
कार्यक्रममा हेटौडा ६ का वडा अध्यक्ष  विष्णुबहादुर दाहाल, ७ का वडा अध्यक्ष दामोदर गौतम, १६ का वडा अध्यक्ष रामकृष्ण कोईराला, हेटौडा ६ का वडा सदस्य विजय पौडेल,  काङ्ग्रेस जिल्ला सचिव भीमसेन महत, पार्टी प्रवक्ता अर्जुनप्रसाद चौलागाई, नगर सभापति उत्सव ईटेनी, पार्टी वडा सभापति रामहरी तिमल्सिना, उपसभापति केशव धिताल लगायत पार्टीका नेता र कार्यकर्ताको उपस्थिति रहेको थियो । 
प्रतियोगितामा ४ महिलासहित ३० जनाको सहभागिता रहेको थियो ।