पत्रकार महासंघको स्थापना दिवसको अवसरमा हेटौँडामा प्रभातफेरी (फोटो फिचर सहित )

पत्रकार महासंघको स्थापना दिवसको अवसरमा निकालिएको प्रभातफेरी ।फोटो :सुनिल शिवाकोटी

१६ चैत, हेटौडा । पत्रकार महासंघ मकवानपुर शाखाले नेपाल पत्रकार महासंघको ६३ औँ स्थापना दिवसको अवसरमा शुक्रबार  हेटौँडामा प्रभातफेरी कार्यक्रम  सम्पन्न  गरिएको छ ।

हेटौँडाको सिमाचोकबाट सुरु भएको प्रभातफेरी बुद्धचौक , उद्योग  वाणिज्य चोक,हुदै   सिमाचोकमा आएर कोणसभामा परिणत भएको थियो । कोणसभालाई  संवोधन गर्दै  पत्रकार महासंघ मकवानपुरका पुर्व अध्यक्ष राममणी दाहालले अझै मिडिया हाउसहरूमा श्रमजीवि पत्रकाहरुलाई  समस्या रहेको र समाचारको कारणले पत्रकारहरूले दुर्व्यवहार सहनु परेको भन्दै  पत्रकारलेलाई  राज्यबाट उल्लेखीय  सहयोग नभएको बताए ।

त्यसैगरी कार्यक्रममा बोल्दै पत्रकार महासंघ मकवानपुरका पुर्व अध्यक्ष भानुभक्त आचार्यले पत्रकारहरुले  अझैपनि  खुलेर कलम चलाउन नसकिरहेको भन्दै राज्य जिम्मेवार नभएको  बताए ।त्यस्तै   पत्रकार महासंघ मकवानपुरका अध्यक्ष हरि हुँमागाईले पत्रकारिताको दिगो विकास र यस पेशामा आबद्ध सबै पत्रकारहरुको क्षमता अभिवृद्धि गर्न तालिम र कार्यक्रम ल्याउने प्रतिबद्धता व्यक्त गरेका छन् ।

पत्रकार महासंघ मकवानपुर शाखाले आयोजनामा गरेको प्रभातफेरीमा  पत्रकार महासंघ  मकवानपुरका उपाध्यक्ष कुमार अधिकारी,  सचिव गणेश दर्पण अधिकार,  लगायत कार्य समिति सदस्यहरु सहित   मकवानपुरमा क्रियाशिल  पत्रकार सिहत मकवानपुर बहुमुखी क्याम्पसमा आम सञ्चार  तथा पत्रकारीता विषयमा अध्ययनरत विद्यार्थिहरुको सहभागिता रहेको थियो ।