रानी वनकाे काम उदाहरणीय: मेयर लामा

४ असोज, हेटौंडा । हेटाैडा उपमहानगरपालिका मेयर मीना कुमारी लामाले रानी सामुदायिक  वनले गरेकाे काम उदाहरणीय रहेकाे बताएकी छिन् ।
हेटाैडा-६ चाैघडामा रहेकाे रानी सामुदायिक  वनकाे आईतवार भएको  ३० औं वार्षिक साधारणसभामा मेयर लामाले समूहले वनकाे संरक्षणकाे साथै लाेपाेन्मुख सालककाे संरक्षण गरि प्रशंसनीय काम गरेकाे बताईन् ।
उनले समूहले संस्थागत विकास, महिलाकाे आर्थिक  स्थितिमा सुधार लगायत वनडढेलाे नियन्त्रण, सामाजिक कामका साथै पर्यापर्यटनकाे काम गरि अन्य सामुदायिक वनलाई समेत प्रेरणाा दिएकाे बताइन् । साधारण सभामा ज्येष्ठ सदस्य गाेपाल राई र साेमकुमारी दुलाल, डिभिजन वन कार्यालय मकवानपुरका डिभिजनल वन अधिकृत राकेश प्रसाद चन्द्रबंशी, सव डिभिजन वन कार्यालय हेटाैंडाका  प्रमुख बच्चुराम सुवेदी, अनिरुद्र खबर डटकमका  सम्वाददाता अनिल पराजुलीलाई सम्मानित  गरिएकाे थियाे ।
यसैगरी २०८२ सालकाे एसईई परीक्षामा उत्कृष्ट अंक हासिल गर्ने सामुदायिक विद्यालयतर्फ सज्जित लामिछाने र प्रनिशा मानन्धर, संस्थागत विद्यालयतर्फ अनुसुया दाहाल र आयुष राईलाई पुरस्कृत गरिएको  थियाे । भेलामा सालक उद्वारकर्ताहरुलाई समेत पुरस्कृत गरिएको थियाे ।
समूहका अध्यक्ष  केशव धितालकाे अध्यक्षतामा भएको  साधारणसभामा मकवानपुरगढी-३ का वडा अध्यक्ष भागवत घिमिरे, ४ का वडा अध्यक्ष  अर्जुनप्रसाद तिमल्सिना, ३ नं वडा सदस्य विदुर हुमागाई, सव डिभिजन  वन कार्यालय हेटाैंडाका प्रमुख बच्चुराम सुवेदी, सामुदायिक  वन उपभोक्ता  महासंघका केन्द्रीय सदस्य रामहरि चाैलागाई, बागमती प्रदेश काेषाध्यक्ष नानीमाया रुम्बा, मकवानपुर अध्यक्ष  साधुराम चाैलागाई, जनकल्याण साकाेस अध्यक्ष  हिमाल पाैडेल, जागरण साकाेस अध्यक्ष शत्रुघन दुलाल, सिर्जनशिल समाज साकाेस अध्यक्ष कृष्ण बिडारी, चुच्चेखाेला सामुदायिक वनका उपाध्यक्ष  उमेश अधिकारी, अशाेक सामुदायिक वनकी सचिव सितु श्रेष्ठ लगायतकाे सहभागिता थियाे ।
समूहमा ८ सय ३७ घरधुरी आवद्व रहेकाे कार्यालय  सचिव भीमसेन पाैडेलले बताए  ।