चितवनको छुट्टाछुट्टै स्थानमा भएको दुर्घटनामा दुई को मृत्यु

२ बैशाख ,चितवन । चितवनको  छुट्टाछुट्टै स्थानमा भएको दुर्घटनामा   दुई जनाको मृत्यु भएको छ । नौ जना घाइते भएका छन् । शनिबार साँझ भएको  चितवनको राप्ती नगरपालिका–२ गडौलीस्थित राजमार्गमा  टांडीबाट हेटौँडा जाँदै गरेको ना १ ज ३६०९ नम्बरको सुमो गाडी अनियन्त्रित भई सडक पल्टिँदा एक जनाको मृत्यु भएको छ । सो दुर्घटनामा नौ जना घाइते भएका छन् । 

उक्त दुर्घटनामा परी  मृत्यु हुनेमा हेटौडा ३  बसामाडीका  २१ वर्षीया गोमा बल्लभ रहेको  चितवन  प्रहरी  जनाएको  छ । भने घाइते हुनेमा  गाडी चालक मकवानपुर हेटौंडाका रवीन्द्र स्याङतान, मकवानपुर भीमफेदीका १९ वर्षीय विजय गोले सोही ठाउँका ११ वर्षीय इमास स्याङ्तान र २५ वर्षीया दिविकामाया थिङ  मकवानपुर भीमफेदीकै २१ वर्षीया पदमा गोले, मकवानपुर बसामाडीकी २४ वर्षीया बीना लामा, मकवानपुर थाहा नगरपालिका–४ की २२ वर्षीया शोभा लामा, मकवानपुर भीमफेदीकी २० वर्षीया सिर्जना गोले र सोही ठाउँकी २० वर्षीया प्रमिला गोले रहेको प्रहरीले जनाएको छ । घाइते भएकाहरूको लेज अफ मेडिकल साइन्सेज शिक्षण अस्पताल भरतपुरमा उपचारभईरहेको छ । 

त्यस्तै चितवनको भरतपुर महानगरपालिका–१० स्थित पुजा फनपार्कमा रहेको पौडी पोखरीमा पौडी खेल्ने क्रममा डुबेर शनिबार एक जनाको मृत्यु भएको छ । मृत्यु हुनेमा  भरतपुर  १७ का २० वर्षीय कालु गुरुङक रहेको  प्रहरीले जनाएको छ ।