हेटौँडा सहित देशैभर मनाईदै २५६२ औ  बुद्ध जयन्ती

फोटोः सोसल मिडीया

१७ बैशाख, हेटौँडा । २५६२ औ  बुद्ध जयन्ती सोमबार देशभर विविध कार्यक्रम आयोजना गरी मनाइँदैछ । एशियाका तारा गौतम बुद्धको जन्म, बुद्धत्व प्राप्ति र महापरिनिर्वाण प्राप्ति वैशाख शुक्ल पूर्णिमाकै दिन भएकाले यस दिनलाई बौद्ध धर्मावलम्बीले त्रिसंयोग दिवसका नामले महत्वपूर्ण दिनका रुपमा लिने गदैछन  । 

 नेपालको लुम्बिनीमा इसापूर्व ५६३ अर्थात् आजभन्दा करीब दुई ६०० वर्षअघि सिद्धार्थ गौतम राजा शुद्धोधन र रानी मायादेवीको सुपुत्रका रुपमा जन्मी २९ वर्षका उमेरमा दरबार त्यागी ज्ञानको खोजीमा लागे । छ वर्षको तपस्यापछि ३५ वर्षको उमेरमा इसापूर्व ५२८ मा भारतको बौद्धगयामा बुद्धत्व प्राप्ति भयो । यसपछि बुद्धका रुपमा उनले विश्व प्रसिद्धि पाए । छत्तीस वर्षका उमेरमा सारनाथमा उनले पहिलो पटक पाँच शिष्यलाई प्रवचन गरेका थिए जसलाई ‘धर्मचक्र प्रवत्र्तन’ भनिन्छ । 

 २५६२ औँ बुद्ध जयन्तीको अवसरमा  रुपन्देहीको लुम्बिनी, काभे्रपलाञ्चोकको नमोबुद्ध, काठमाडौँको बौद्ध, स्वयम्भू, चाबहिलस्थित चारुमती विहारलगायत बौद्ध बिहार, गुम्बा, स्तूप, चैत्यमा र हेटौडामा  बुद्ध मूर्तिसहित शोभायात्रा र शान्ति पदयात्रा निकालिएको छ  । ँ बुद्ध जयन्तीको अवसरमा हेटौँडामा  सोमबार बिहान हङ्र्र्ला तामाङ् समाजले याली निकालेको छ । यालीले हेटौँडा बजारको परिक्रमा गरी हेटौँडा १० मा रहेको साङ्तोक पलरी गुम्बा पुगेर वाङ् अभिषेक तथा प्रसाद ग्रहण गरेको थियो । यस अवसरमा सरकारले सोमबार सार्वजनिक बिदा दिएको छ ।