पत्रकार प्रदेश कार्यसमितिद्वारा सपथग्रहण

२६ बैशाख, हेटौँडा । ३ नम्बर प्रदेश नेपाल पत्रकार महासंघको नवनिर्वाचित कार्यसमितिको सपथग्रहण कार्यक्रम सम्पन्न भएको छ । महासंघका केन्द्रीय महासचिव रमेश विष्टले नवनिर्वार्चित कार्यसमितिलाई सपथग्रहण गराएका हुन् ।
३ नम्बर प्रदेशका मूख्यमन्त्री डोरमणी पौडेलसहितको उपस्थितिमा बैशाख २२ गते सम्पन्न निर्वाचनबाट निर्वाचित कार्यसमितिले सपथग्रहण गरेको थियो । निर्वाचनमा प्रदेश अध्यक्षमा गिरिजा अधिकारीलाई पराजित गर्दै प्रताप विष्ट विजयी भएका थिए । यस्तै, खुल्ला उपाध्यक्षमा यदुनाथ गौतम, महिला उपाध्यक्षमा नानीमैया कार्की ९सम्झना०, महासचिवमा कृष्ण सारु मगर, खुला सचिवमा केशवप्रसाद हुमागाई, समावेशी सचिवमा राजन विक र कोषाध्यक्षमा सीताराम अधिकारी निर्विरोध चयन भएका थिए ।
खुल्ला सदस्यमा रामचन्द्र नेपाल, प्रविण बराल, रामकान्त पौडेल, रामहरि गजुरेल, युवराज पुरी र रबिन्द्र गौतम निर्विरोध भए भने मधेशी सदस्यमा कोमलचन्द्र भगत, दलित सदस्यमा मदन विश्वकर्मा, महिला सदस्यमा नानीमैया बिष्ट, जानुका न्यौपाने र शर्मिला उप्रेती, अल्पसंख्यक सदस्यमा बद्री नयाँघरे र आदिवासी जनजाति सदस्यमा ईश्वरकुमार जोशी र जीवन श्रेष्ठ निर्विरोध भएका थिए । 
देश संघीय संरचनामा गएपछि पहिलो पटक प्रदेशस्तरीय संरचनामा पत्रकार महासंघको निर्वाचन भएको थियो ।