रानीको बक्तृत्वकलामा पुडासैनी प्रथम

२१ जेठ, हेटौँडा । हेटौँडा–६ चौघडामा रहेको रानी सामुदायिक वन उपभोक्ता समूह र हेटौँडा उपमहानगरपालिका टोल विकास संस्था नगर समन्वय समितिको आयोजनामा वक्तृत्वकला प्रतियोगिता सम्पन्न भएको छ । ४६ औं विश्व वातावरण दिवसको अवसरमा ‘सामुदायिक वनको विकासमा स्थानीय तहको भूमिका’ विषय माध्यमिक विद्यालयस्तरीय वक्तृत्वकला प्रतियोगिता भएको हो ।
प्रतियोगितामा भुटनदेवी माविका प्रज्वल पुडासैनी प्रथम, बंशगोपाल माविका विदुर घिमिरे दोस्रो, चन्द्रोदय माविकी स्वस्तिका घलान तृतिय र राजदेवी माविकी रुपा विश्वकर्मा सान्त्वना भएका छन् । प्रतियोगितामा प्रथम हुनेले नगद ४ हजार, दोस्रोले ३ हजार, तेस्रोले २ हजार  सान्त्वनाले १ हजार रुपैँया प्राप्त गरेका छन् । प्रतियोगिताको निर्णायकमा गिता अधिकारी, भवानी गौतम र केदार गौतम रहेका थिए ।
कार्यक्रममा विभिन्न महिला उपसमूहलाई विउपूँजी, छात्रबृत्ति, गोबर ग्याँस र सुधारिएको चुलो निर्माण गर्ने उपभोक्ताहरुलाइृ अनुदान रकम वितरण गरिएको थियो ।
हेटौँडा उपमहानगरपालिकाका प्रमुख हरिबहादुर महतको प्रमुख आतिथ्यता एवं समूहका अध्यक्ष कृष्ण विडारीको अध्यक्षतामा कार्यक्रम भएको हो । कार्यक्रममा हेटौँडा वडा नम्बर ६ का वडा अध्यक्ष अर्जुनप्रसाद चौलागाई, सामुदायि वन उपभोक्ता महासंघ जिल्ला समन्वय समिति मकवानपुरका अध्यक्ष साधुराम चौलागाई, महासंघ हेटौँडा उपमहानगरपालिकाका अध्यक्ष शम्भु न्यौपाने, पिप्लेपोखरा सामुदायिक वनका अध्यक्ष रामहरी चौलागाई, चित्रेपानी सामुदायि वनका अध्यक्ष सूर्यबहादुर घलान, समूहका उपाध्यक्ष डोरबहादुर अधिकारी, कार्यालय सचिव भीमसेन पौडेल लगायतले मन्तव्य व्यक्त गरेका थिए ।