स्थानीय उत्पादनलाई प्रोत्साहित गर्नु पर्छ : मुख्यमन्त्री पौडेल

२२ जेठ, हेटौँडा । प्रदेश नं. ३ का मुख्य मन्त्री माननीय डोरमणी पौडेलले स्थानीय उत्पादनलाई प्रोत्साहित गर्नु पर्ने बताएका छन् । जबसम्म स्थानीय उत्पादनलाई बृद्धि गर्न र प्रोत्साहन गर्न सकिदैन तबसम्म समृद्धि हुन नसक्ने बताउँदै मुख्यमन्त्री पौडेलले अबको ५ वर्ष समृद्धिको बर्ष हुने दावि गरे । 
४६ औ विश्व वातावरण दिवसको अवसरमा हेटौडा उपमहानगरपालिका टोल विकास संस्था नगर समन्वय समितिले मंगलबार हेटौडामा गरेको कार्यक्रममा बोल्दै मुख्यमन्त्री पोडेलले सबैको सामुहिक प्रयासबाट मात्रै समृद्धि हुने जिकीर गरे । फलफूलको वृक्षारोपण गरी आम्दानी बढाउनु पर्नेमा जोड दिदै मुख्य मन्त्री पौडेलले जनताको विकासको तिब्र ईच्छालाई प्रदेश सरकारले पूरा गर्ने बताए । कार्यक्रममा हेटौडा उपमहानगरपालिकालाई पूर्ण खोप सुनिश्चित उपमहानगरपालिका घोषणा गरिएको थियो ।
कार्यक्रममा वातावरणको क्षेत्रमा लामो समय देखि क्रियाशिल वातावरण सुधार समन्वय समितिका संस्थापक अध्यक्ष श्यामप्रसाद श्रेष्ठलाई सम्मान गरिएको थियो । कार्यक्रमममा विद्यालय तर्फ ¥यालप्मा उत्कृष्ठ हुने अमर मावि, मकवानपुर टेक्निकल ईन्स्टीच्युट,नारायणी मेकानिकल एण्ड टेक्नोलोजी,भूटनदेवी मावि र बालजागृति ईङलिश बोडिङ स्कूल, टोल विकास तर्फ स्वाबलम्वी टोल विकास संस्था,हेटौडा–१,चिसापानी टोल विकास संस्था हेटौडा–४,समाज कल्याण टोल किवास संस्था हेटौडा–४,झोलुङे टोल विकास संस्था हेटौडा–११ प्रगति टोल विकास संस्था हेटौडा–९ र संघसंस्था तर्फ महिला स्वास्थ्य स्वयंसेविका सरसफाई र विकास समितिलाई पुरस्कृत गरिएको थियो ।
टोल विकास संस्था नगर समन्वय समितिका कार्यबाहक अध्यक्ष ध्रुवप्रसाद अधिकारीको अध्यक्षतामा भएको कार्यक्रममा राष्ट्रिय सभाका सदस्य रामचन्द्र राई,३ नं. प्रदेशका सामाजिक विकास मन्त्री युवराज दुलाल, प्रदेश सभा सदस्य मृुनु सिग्देल, जिल्ला समन्वय समितिका प्रमुख रघुनाथ खुलाल, हेटोडा उपमहानगरपालिकाकानगर प्रमुख हरिबहादुर महत, उपप्रमुख मीना लामा, जिल्ला जन स्वास्थ्य कार्यालयका प्रमुख रामचन्द्र पाठक, गैसस ३ नं. प्रदेशका अध्यक्ष बुद्धशरण लामा,टोल विकास संस्था नगर समन्वय समितिकी उपाध्यक्ष बेगम बराल, महासचिव गंगा पौडेल लगायतकाले मन्तव्य व्यक्त गरेका थिए ।
कार्यक्रम शुरु हुन अगाडि विभिन्न टोल विकास संस्था र विद्यालयबाट आएका झाकी सहितको ¥यालीले नगर परिक्रममा गरेको थियो ।