स्थानिय उत्पादनबाट राष्ट्रिय समृद्धि : स्याङ्तान

१३ असोज, हेटौँडा । नयाँ शक्ति नेपाल ३ नम्बर प्रदेश सहसंयोजक सोनाम सिंह स्याङतानले स्थानियस्तरको उत्पादनमा जोड दिन सके राष्ट्रिय समृद्धिमा टेवा पुग्ने बताएका छन् । 
नयाँ शक्ति नेपाल हाँडीखोला गाविसको भेलामा बोल्दै स्याङतानले हरेक नागरिकलाई श्रमसँग जोड्न सके मात्रै समृद्धि आउने भन्दै यसका लागि नयाँ शक्तिले आफ्नै पार्टीबाट अभियान थालेको बताए । माधव सापकोटाको सभाध्यक्षतामा भएको भेलामा अमर लामा, विवेक वाइवा, जीवन मान मोक्तान, प्रकाश मैनाली लगायतकाले मन्तव्य गरेका थिए ।
भेलाले निखिल पौडेलको संयोजकत्वमा ३७ सदस्यीय गाविस सम्मेलन आयोजक कमिटि समेत गठन गरेको छ । कमिटिको सहसंयोजक ज्ञानेन्द्र चेपाड, माधव सापकोटा, चन्द्रबहादुर मोक्तान, सचिव शिसुपाल बस्नेत, सहसचिव राधिका पौडेल र कोषाध्यक्ष पप्पु थापा रहेका छन् । सदस्यहरुमा रामगोपाल कँडेल, पाल्साङ रुम्बा, नवराज गौतम, सुर्यबहादुर गोले, अनिल राई, पशुपति घलान लगायत छन् ।
भेलाले अबिनास घलानको संयोजकत्वमा २३ सदस्यिय राष्ट्रिय युवा अभियान हाँडिखोला गाउँ कमिटि समेत गठन गरेको छ । अभियानको सदस्यहरुमा प्रकाश मुक्तान, बाबु लामा, राजकुमार लामिछाने, महेश प्रजा, मोहन मैनाली लगायत रहेका छन् ।