विश्वकप विजेता मापसे कारवाहीमा

९ भदौ, हेटौँडा । विश्वकप विजेता फ्रान्सेली राष्ट्रिय टोली तथा इंग्लिस क्लब टोटेनहम हट्स्परका कप्तान ह्युगोलोरिसलाई पश्चिम लन्डन पुलिसले मादक पदार्थ सेवन (मापसे) गर्दै गाडी चढेको आरोपमा कारवाही गर्ने भएको छ ।
३१ वर्षीय गोलरक्षक लोरिसलाई शुक्रबारको शुरुवाती समयमा नै ग्लसेुस्टर प्यालेसमा नियमित गस्तीले रोकेको थियो । 
उनले गाडी चलाउने बेलामा परिक्षण गर्दा मादक पदार्थ सेवन गरेका भेटिए पछि पुलिसले कारवाही गरेको थियो । उनकै कप्तानीमा फ्रान्सले दोस्रो पटक विश्वकप जितेको थियो । 
रुस विश्वकपमा उत्कृष्ट प्रदर्शन गर्दै उनले फ्रान्सलाइै दोस्रो पटक विश्वकप उपाधि दिलाउन मद्दत गरेका थिए । सहरको पुलिस विभागका अनुसार लोरिसलाई जमानतमा रिह गरिएको छ ।
उनले अब ११ सेप्टेम्बरमा वेस्टमिस्टर मजिस्ट्रेट्स कोर्टमा उपस्थित हुनुपर्ने आदेश जारी भएको छ । लोरिस सन् २०१२ मा लियोनबाट स्पर्स भित्रिएका थिए । प्रिमियर लिग कलबमा उनले २५६ खेल खेलेका छन् ।
टोटेनहमले प्रिमियर लिगको सुरुआती दुई खेलमा जित हात पारेको छ । पहिलो खेलमा न्युकासलविरुद्ध २(१ को जित दर्ता गरेको नेपालले दोस्रो खेलमा फुल्हामलाई ३–१  ले पराजित गरेको थियो । 
(एजेन्सी)