किसान सहकारीको साधारण सभा सम्पन्न

१५ असोज, हेटौँडा । हेटौँडा–२२ मा रहेको किसान दुग्ध उत्पादक सहकारी संस्थाको २६ औं बार्षिक साधारण सभा सम्पन्न भएको छ ।

जिल्ला दुग्ध उत्पादक सहकारी संघका अध्यक्ष बासुदेव अधिकारीको प्रमुख आतिथ्यतामा भएको कार्यक्रममा अध्यक्ष बद्रीप्रसाद भण्डारीले संस्थागत प्रतिवेदन, लेखा समिति संयोजक निर्मल देवकोटाले आर्थिक प्रतिवेदन, व्यवस्थापक देवराज अधिकारीले लेखा परीक्षण प्रतिवेदन, ऋण उपसमिति संयोजक उत्सवप्रसाद भट्टराईले ऋण प्रतिवेदन प्रस्तुत गरेका थिए ।

भेलामा सबैभन्दा बढि दूध विक्रि गर्ने तारानाथ रिजाल, पूर्णप्रसाद पौडेल, गुणस्तरीय दूध विक्रि गर्ने रोमप्रसाद ढकाल, उद्धव सत्याल, असल कारोबारी रेशमबहादुर नगरकोटी र एसएलसीमा उत्कृष्ट अंक ल्याउने प्रशान्त पौडेल र निरुता चापागाईलाई सम्मान गरिएको थियो । भेलामा कृष्णप्रसाद सापकोटा, कृष्णप्रसाद घिमिरे, कुबेरप्रसाद खतिवडा, शरद रिजाल, ध्रुवप्रसाद धिताल, चन्द्रप्रसाद देवकोटा लगायतले मन्तव्य व्यक्त गरेका थिए ।

संस्थाले आव २०७२/०७३ मा ३ करोड ९४ लाख रुपैँयाको कारोबार गरेको थियो भने चालु आव ०७३/०७४ मा ५ करोड २३ लाख रुपैँयाको कारोबार गर्ने लक्ष्य राखेको छ । संस्थाले पशु संरक्षण विमा अन्तरगत दिवस रसाईली र सुर्दशन पौडेललाई पशुधन विमा बापतको रकम प्रदान गरेको थियो ।