मिन बहादुर प्रतिष्ठानको चियापान

१६ असोज, हेटौँडा । तत्कालिन चुरियामाई गाविसका पुर्व उपाध्यक्ष तथा समाजसेवी मिन बहादुर थपलियाको स्मृतिमा गठन भएको मिन बहादुर थपलिया स्मृति प्रतिष्ठानले विजया दशमी, दिपावली र छठका अवसरमा शुभकामना आदानप्रदान तथा चियापान कार्यक्रम आयोजना गरेको छ ।

हेटौंडा उपमहानगरपालिका १६ र १७ नम्बर संयुक्त वडा कार्यालयका कार्यालय प्रमुख जगन्नाथ खतिवडाको प्रमुख आतिथ्यतामा कार्यक्रम भएको हो । कार्यक्रममा प्रतिष्ठानकी संरक्षक एवम् थपलियाकी धर्मपत्नी लक्ष्मी थपलिया, छोराहरु गोविन्द थपलिया, कृष्ण थपलिया, जनज्योती उच्च मावीका व्यवस्थापन समितीका अध्यक्ष टिका वानियाँ, विद्यालयका प्रधानाध्यापक भोगेन्द्र लुइटेल, व्यवस्थापन समितकिा पुर्व अध्यक्ष ज्ञान बहादुर लामा, सञ्चारकर्मी बालकृष्ण अधिकारी, नेकपा एमालेका नेता ऋषिराम घिसीङ, मेरीगोल्ड बचत तथा ऋण सहकारी संस्थाकाका अध्यक्ष दिपक खड्का लगायतको आतिथ्यता रहेको थियो ।

कार्यक्रममा प्रतिष्ठानका अध्यक्ष प्रेम प्रसाद गौतमले मिन बहादुर थपलियाको बारेमा चर्चा गरेका थिए । कार्यक्रममा प्रतिष्ठानको विधान पारित गरी संस्था दर्ताको प्रकृया अघि बढाउने निर्णय भएको प्रतिष्ठानका सचिब राजमणि शर्मा अधिकारीले बताए ।