नेपालका राजनीतिक दलहरुले धेरै कुरा सिक्नुपर्ने:संसद घलान

३ असोज,हेटौडा। ३ नम्बर प्रदेश सदस्य ओम घलानले जेसीज सस्थाबाट नेपालका राजनीतिक दलहरुले धेरै कुरा सिक्नुपर्ने बताएका छन् ।

बस्तिपुर जेसीज हाडीखोलाको जेसीज सप्ताह समापन तथा पुरस्कार वितरण कार्यक्रममा उनले यस्तो बताएका हुन् । उनले मुलुकमा तीन तहको निर्वाचन भएपनि केन्द्रीय सरकार पुरानै ढाचामा चलिरहेको गुनासो गदै  कानुनको अभावमा स्थानीय तह समेत अन्यौलमा परेेेेको  बताए।  जीवन ब्यबहारमा प्रत्याभुत हुने गरी संविधान कार्यान्वयन आवश्यक रहेको उनले धारणा राखे । आफ्नु तर्फबाट जेसीज र मकवानपुरको कुनै पनि स्थानमा सहयोग गर्न तयार रहेको प्रदेशसभा सदस्य घलानले बताए । जेसीज अध्यक्ष राममणी बर्तौलाको अध्यक्षतामा भएको कार्यक्रममा नेपाल जेसीजका पूर्व कार्यकारिणी उपाध्यक्ष अन्जनीकुमार पराजुली, बस्तिपुर जेसीज सस्थापक अध्यक्ष गणेशप्रसाद भेटवाल, बर्ष सन् २०१४ का अध्यक्ष बसन्तकुमार सिटौला, हेटौंडा जेसीजका अध्यक्ष रबि नेपाल, लेडी जेसीज अध्यक्ष गमला राजभण्डारी (अस्मिता), नेपाली काङ्ग्रेस वडा सभापति धनबहादुर गुरुङ, जनहित सामुदायिक वन अध्यक्ष मनहरी बर्तौला, निर्मल माविका प्राचार्य प्रबोध बिडारीलगायतले मन्तव्य व्यक्त गरेका थिए । जेसीज सप्ताहको "बेष्ट कार्यक्रम संयोजक अवार्ड" रक्तदान कार्यक्रम संयोजक शिवराज उप्रेतीले प्राप्त गरे । कार्यक्रममा कार्यक्रम संयोजक तथा विभिन्न प्रतियोगिताका बिजयीहरुलाई पुरस्कार वितरण गरिएको जेसीज सप्ताह मुल कार्यक्रम संयोजक ज्योतिराज लुइँटेलले बताए । कार्यक्रम सुनिल अधिकारीको सम्योजकत्वमा भएको थियो ।