प्रदेश ३ को राजधानीसम्बन्धी प्रस्ताव पेश हुने 

२१ असोज, हेटौँडा । प्रदेश नम्बर ३ को प्रदेशसभा बैठकमा सोमबार प्रदेशको राजधानी बारेको प्रस्ताव जाने भएको छ । 
असोज २ गतेको प्रदेशसभा बैठकको विशेष समयमा उठेका प्रश्नहरुको आइतबार जवाफ दिंदै आन्तरिक मामिला तथा कानून मन्त्री शालिकराम जम्कट्टेलले यसबारे जानकारी दिएका हुन् । कार्यव्यवस्था परामर्श समितिमा भएको छलफल अनुसार राजधानीको विषय औपचारिक रुपमा प्रदेशसभा बैठकमा सोमबार प्रवेश गर्ने बताएका हुन् । 
उनले प्रदेशसभा बैठकले गठन गरेको राजधानी अध्ययन विशेष समितिको प्रतिवेदनसहितको प्रस्ताव प्रदेशसभामा प्रस्तुत हुने र राजधानीको निर्णय गर्ने अधिकार प्रदेशसभामा रहेको बताए । अस्थायी मानसिकताको अन्त्य गर्नु जरुरी रहेको बताए । उनले प्रक्रियागत ढिलाई भएको स्विकार्दै नामाकरणको विषय पनि एकै साथ टुंगो लगाउनु उपयुक्त हुने सुझाव समेत दिए । नामाकरणको टुंगो अहिले नलागे पनि राजधानीको टुंगो लगाएर 
बैठकमा आन्तरिक मामिला तथा कानून मन्त्री कट्टेलले निर्मला पन्त बलात्कार र हत्या प्रकरणले देशको शिर झुकाएको बताएका छन् । छिटो दोषिलाई कारवाहीका लागि संघीय सरकारलाई आग्रह गरिएको बताए । मन्त्री जम्कट्टेलले प्रदेश सरकारले कर सम्बन्धी संशोधनको तयारी गरेको बताए ।