नेविसंघ अध्यक्ष दावेदार गिरी भन्छिन्–‘संगठनलाई व्यवस्थित बनाउनुपर्छ’

११ कार्तिक, काठमाडौं । नेपाली कांग्रेसको भातृ संगठन नेपाल विद्यार्थी संघको आगामी महाधिवेशनमा अध्यक्षको दाबी गर्दै आएकी नेतृ निमा गिरीले संगठनलाई ब्यवस्थित बनाउनुपर्नेमा जोड दिएकी छिन् । 
१२ औँ महाधिवेशनमा अध्यक्षको दावेदारको रुपमा प्रस्तुत भएकी गिरीले गुट भन्दा माथी उठेर समग्र विद्यार्थीको हक हितको पक्षमा आफूलाई उभ्याएको बताएकी छन् । नेविसंघको इतिहासमै सवल महिला नेतृत्व बताउँदै यसलाई बहसको स्थलो बनाउने उनको भनाई छ । संगठन स्थापना भएको झन्डै आधा शताब्दी हुँदा समेत महिलाले नेतृत्व गर्न नपाउनु ज्यादै दुखद पक्ष भएको भन्दै अहिले अवसरको रुपमा आफुले उम्मेदवारी दिने उनले बताईन् । नेविसंघका नेतृहरुकै सहयोग एवं समर्थनमा अहिलेसम्म पुरुषले संगठनको नेतृत्व सम्हालेको स्मरण गर्दै अब पुरुषहरुले महिलालाई नेविसंघको नेतृत्वमा पुर्याउन सहयोग गर्नुपर्ने उनको भनाई छ । नेविसंघको नेतृत्व महिलाले सम्हाल्न नसकेर वा क्षमता नभएर भन्दा पनि माउ पार्टी कांग्रेसले नै नचाहेका कारण महिला अध्यक्ष बन्न नसकेको नेतृ गिरीको तर्क छ । 
विद्यार्थी राजनीतिबाटै नेपाली कांग्रेसमा प्रभुत्व जमाउन सफल भएका बर्तमान सभापति देउवादेखि अधिकांश शिर्ष नेताले नेविसंघमा महिला नेतृत्व बिकासका लागि चुक्न नहुने उनी बताउँछिन् । ब्यवस्थापन संकाय तर्फको फाइनान्स र मानविकी तर्फ राजनीतिशास्त्रमा स्नातोकत्तर गरेकी नेतृ गिरीले अबको नेविसंघको शिक्षा क्षेत्रमा रहेका विकृति विरुद्ध बुन्द आवाज उठाउन र विद्यार्थीको हितमा सशक्त ढंगले अघि बढ्नुपर्ने जनाईन् । उनले यसमा आफु प्रतिवद्ध भएर लाग्ने दावि गर्दै आफुले नेतृत्व पाए हरेक विद्यार्थीहरुको मनमा नेविसंघलाई पुर्याउने बताईन् । 
नेपाली कांग्रेसको दुइ पटकको महासमिति सदस्य, त्रिभुवन विश्वविद्यालय ईकाइको उपाध्यक्ष, प्युठान जिल्लाको नेविसंघ पुर्व उपाध्यक्ष, दाङ नेबिसंघ जिल्ला सदस्य भई काम गरेको अनुभव आफुसंग रहेको उनको भनाई छ । करिब दुई दशकदेखि नेविसंघमा सक्रिय गिरी अधिबक्ता समेत हुन् ।