बकैया भीरकोटमा वडा कप फुटबल प्रतियोगिता शुरु

१३ कार्तिक, हेटौँडा । बकैया गाउँपालिकाको भिरकोटमा मंगलबारदेखि वडा कप फुटबल प्रतियोगिता शुरु भएको छ । बकैया गाउँपालिका वडा नम्बर ७ कार्यालयको आयोजनामा वडा स्तरीय फुटबल प्रतियोगिताको शुरु भएको हो ।

प्रतियोगिताको गाउँपालिका उपाध्यक्ष सरला बोलखेले उद्घाटन गरेकी छिन् । कार्यक्रममा ७ नम्बर वडा अध्यक्ष रामकाजी लामिछने, समाजसेवि भोजराज लामिछाने, संयुक्त युबा क्लवका अध्यक्ष राजन घिमिरे, जनक माबिका बिब्यस अध्यक्ष विकास भोम्जन, प्रध्यानाध्यापक धर्मप्रसाद दाहाल, लगायत विभिन्न वडाका जनप्रतिनिधिहरुको सहभागी थियो । बकैया गाउँपालिकामा स्थानीय तह नै आयोजक भएर खेलाइएको प्रतियोगितामा स्थानीय युवाको आकर्षण रहेको छ । बकैया ७ नम्बर वडाले गरेको प्रतियोगितामा वडाको दुर्गम मामदमार, हर्दा, भिरकोट, चिसापानी लगायतका क्षेत्रका १३ टोलि सहभागी छ्न् । खेलकुद बिकास समिती ७ नम्बर वडाले खेल ब्यबस्थापन गरिरहेको छ । 

प्रतियोगितामा विजेताले २० हजार, उपविजेताले १० हजार र तेस्रो हुने टिमले ५ हजार सहित शिल्ड, मेडल तथा प्रमाणपत्र प्राप्त गर्ने छ्न । छनौट हुने खेलाडी बकैया खुल्ला  गोल्डकलमा सहभागी हुनेछ्न ।
(पत्रकार यादव चौलागाईको सहयोगमा)