कम्युनिष्टले देश विकास गर्दैनन्, कांग्रेस नै चाहिन्छ : बानियाँ

१७ कार्तिक, हेटौँडा । नेपाली कांग्रेस ३ नम्बर प्रदेश संसदीय दलका नेता एवं जिल्ला सभापति ईन्द्रबहादुर बानियाँले कम्युनिष्टले देश विकास नगर्ने बताएका छन् ।
नेपाली कांग्रेस हेटौँडा वडा नम्बर ६ इकाईले आयोजना गरेको चियापान तथा शुभकामना आदानप्रदान कार्यक्रममा बोल्दै नेता बानियाँले कम्युनिष्टहरुको नीति जनतालाई गरिबीमा राखेर शासन गर्ने भएकाले उनीहरुबाट विकासको अपेक्षा नगर्न आग्रह गरे । कम्युनिष्ट काम कम र कुरा बढि गर्ने बताउँदै यसको उदाहरण अहिलेको सरकार भएको बानियाँको भनाई थियो । कम्युनिष्ट नेतृत्वमा सरकार गठन भएपछि विकासको काम ठप्प भएको बताउँदै उनले यो अवधिमा हत्या, बलात्कारका घटना बढेको बताए । उनले ५ बर्षपछि जनताले नेपाली कांग्रेसलाई नै रोज्ने समेत उनको दावि थियो । 
नेपाली कांग्रेस ६ नम्बर वडा सभापति रामहरी तिमल्सिनाको सभाध्यक्षतामा भएको कार्यक्रममा नेपाली कांग्रेस नगर सभापति आनन्दराम पराजुली, ४ नम्बर क्षेत्रीय सभापति लोक मोक्तान, हेटौँडा वडा नम्बर ६ का अध्यक्ष अर्जुनप्रसाद चौलागाई, १६ नम्बर वडा अध्यक्ष रामकृष्ण कोइराला, तरुण दल जिल्ला अध्यक्ष इश्वर पाठक, महिला संघ जिल्ला अध्यक्ष लक्ष्मी श्रेष्ठ लगयातको उपस्थिति रहेको थियो । 
कार्यक्रममा पार्टीका विभिन्न तहका नेता कार्यकर्ता र शुभेच्छुकहरुको सहभागिता रहेको थियो ।