जाँते प्रिमियर लिगको उपाधी राजधानी फुटबल टिमलाई

२१ कार्तिक, हेटौँडा । हेटौँडा–१५ मा भएको जाँते प्रिमियर लिगको उपाधी राजधानी फुटबल टिमले हात पारेको छ ।

बुधबार भएको ओरालो फुटबल टिम र राजधानी टिम बिचको फाईनल खेलमा राजधनी फुटबलले ४–१ गोल अन्तरले विजयी हुँदै उपाधी हात पारेको हो ।  बिजेता टिमले नगद ८ हजार रुपैँयासहित शिल्ड र मेडल तथा उपबिजेता टिमले ६ हजार रुपौयासहित शिल्ड र मेडल प्राप्त गरेका थिए । प्रतियोगितामा धेरै गोलकर्ता सुशन दोङर सर्वोत्कृष्ट खेलाडि रोशन दोङ घोषित भए । कार्यक्रममा प्रतियोगिताका संस्थापक दिपेन्द्र घलानलाई सम्मान गरिएको थियो । दिपावली २०७५ को पावन अबसरमा जाते टोल विकास संस्थाको आयोजनामा भएको प्रतियोगिताको विजेता र उपविजेता टोलीलाई हेटौँडा उपमहानगरपालिकाकी उपप्रमुख मिना लामाले पुरस्कार प्रदान गरेकी थिईन् ।

कार्यक्रममा वडा नम्बर १५ का वडा अध्यक्ष महारत्न लामा, नगर कार्यपालिका सदस्य पातली माया गोङ्वा, टोल बिकास नगर समन्वय सदस्य हर्करत्न लामा, सामुदायिक वन समन्वय १५ न वडाका संयोजक मिन बहादुर घलान, चुरियामाई गाविसका पूर्व अध्यक्ष प्रेम भोम्जन लगायतको उपस्थिति रहेको थियो । कार्यक्रम जाँते टोल बिकास संस्था खेलकुद उपसमिति संयोजक मेजर घलानको सभाध्यक्षतामा भएको थियो ।